ବଲାଙ୍ଗିର, 24 ଜୁଲାଇ (ହି.ସ.)

ସ୍ଥାନୀୟ ବିଶ୍ୱ କଲ୍ୟାଣ ନାଗରିକ କମିଟି ପରିଚାଳନା ପରିଷଦ ପୁନର୍ଗଠିତ ହୋଇଯାଇଛି । ଏଥିରେ ସର୍ବସମ୍ମତି କ୍ରମେ ସଭାପତି ଭାବେ ପ୍ରେମକୁମାର ଅଗ୍ରୱାଲ, କାର୍ଯ୍ୟକାରୀ ସଭାପତି ଡ. ଗୌତମ ବିଶ୍ଵାଳ, ସାଧାରଣ ସମ୍ପାଦକ ପ୍ରଶାନ୍ତ ବେହେରା, ଉପ ସଭାପତି ଗୋପାଳ ପଧାନ, ସହ ସମ୍ପାଦକ ନଜରୁଲ୍ଲା ଖାଁ ଓ କୋଷାଧ୍ୟକ୍ଷ ଭାବେ ଇନ୍ଦ୍ରମଣି ପାତ୍ର ମନୋନୀତ ହୋଇଥିଲେ । ମିଡ଼ିଆ ପ୍ରମୁଖ ଭାବେ ରାଜକୁମାର ଅଗ୍ରୱାଲ ଓ କଲ୍ୟାଣ ମଣ୍ଡପ ଦାୟିତ୍ୱରେ ରବୀନ୍ଦ୍ର ପୁଟେଲ ରହିଥିବା ବେଳେ ଆନନ୍ଦ ପୁଟେଲ, ଚତୁର ଦଳେଇ, ଶଶି ଶର୍ମା, କୁନା ଭୋଇ, ଅଶୋକ ବରିହା ପ୍ରମୁଖ ପରିଚାଳନା କମିଟିର ସଦସ୍ୟ ଭାବେ ରହିଛନ୍ତି । ଏଥିସହିତ ଉପଦେଷ୍ଟା କମିଟିରେ ବଂଶୀଧର କାଲସାଏ, କମଳ ଲୋଚନ ବାବା, ସଦାନନ୍ଦ ଧରୁଆ, ଲକ୍ଷ୍ମୀପ୍ରସାଦ ରଣା, ନବକିଶୋର ନାଏକ ପ୍ରମୁଖ ରହିଛନ୍ତି । ବିକଳ୍ପ ବ୍ୟବସ୍ଥା ନ ହେବା ପର୍ଯ୍ୟନ୍ତ ସ୍ଥାନୀୟ ନୂଆପଡ଼ା ସ୍ଥିତ ରେଳ ଫାଟକ ବନ୍ଦ ନିଷ୍ପତ୍ତିକୁ ବିରୋଧ କରାଯିବ ବୋଲି ବୈଠକରେ ସହମତି ପ୍ରକାଶ ପାଇଥିଲା । ଏହି ଅବସରରେ ନୂତନ ସଦସ୍ୟ ମାନଙ୍କୁ ସ୍ଵାଗତ କରାଯିବା ସହିତ ପରବର୍ତ୍ତୀ ବୈଠକ ଆସନ୍ତା ସ୍ଵାଧୀନତା ଦିବସ ଦିନ ହେବ ବୋଲି ନିଷ୍ପତ୍ତି ନିଆଯାଇଥିଲା ।

ହିନ୍ଦୁସ୍ଥାନ ସମାଚାର / ଗୋପବନ୍ଧୁ