ସାହିବଗଂଜ, 3 ଜୁଲାଇ (ହି.ସ.)-ଝାରଖଣ୍ଡର

ସାହିବଗଞ୍ଜରେ ବଡ ରେଳ ଦୁର୍ଘଟଣା ଘଟିଛି। ଗୁରୁବାର ସକାଳେ ପଥର ବୋଝେଇ ଏକ ମାଲଗାଡ଼ି ଲାଇନଚ୍ୟୁତ

ହୋଇଥିବାରୁ ଅନେକ ବଗି କ୍ଷତିଗ୍ରସ୍ତ ହୋଇଛି। ଏହି ଦୁର୍ଘଟଣାରେ କୌଣସି ହତାହତ ଘଟିନଥିଲେ ମଧ୍ୟ

ରେଲୱେକୁ ଲକ୍ଷାଧିକ ଟଙ୍କାର ଅର୍ଥନୈତିକ କ୍ଷତି ହୋଇଛି। ଏହି ଘଟଣାରେ ମାଲଗାଡ଼ିର ପ୍ରାୟ ୧୮ଟି

ବଗି ପଟ୍ରିରୁ ଖସି ତଳକୁ ପଡ଼ିଯାଇଛି। ମାଲଦା ଡିଆରଏମ୍ ଘଟଣାସ୍ଥଳକୁ ଯାଇ ଯାଞ୍ଚ କରୁଛନ୍ତି। ସେ

କହିଛନ୍ତି ଯେ କ୍ଷତିର ଆକଳନ କରାଯାଉଛି।

ସାହିବଗଞ୍ଜର ବରହରୱା ହିଲ୍

ଅପର ସାଇଡ୍‌ରେ ଗୁରୁବାର ସକାଳେ ପଥର ଚିପ୍ସ ଭର୍ତ୍ତି ଏକ ମାଲଗାଡ଼ି ଅନିୟନ୍ତ୍ରିତ ହୋଇ ଓଲଟିଯାଇଛି।

ଫଳରେ ମାଲଗାଡ଼ିର ବଗିଗୁଡ଼ିକ ଘନ ଜନବସତି ଆଡକୁ ଖସିପଡ଼ିଥିଲେ ମଧ୍ୟ,

ଏହି ଘଟଣାରେ କୌଣସି ଲୋକ ଆହତ ହୋଇନାହାନ୍ତି।

ଜଣାପଡ଼ୁଛି ଯେ ମାଲଗାଡ଼ି ପହାଡ଼ ଉପରେ ଥିଲା। ଯେତେବେଳେ ଏହା ପାହାଡ଼ରୁ ତଳକୁ ଆସୁଥିଲା,

ସେତେବେଳେ ଏହା ଭାରସାମ୍ୟ ହରାଇ ଖସିବାକୁ ଲାଗିଥିଲା।

ଏହାପରେ ଦୃତଗତିରେ ଗାଡ଼ିର ଅନେକ ବଗି ପରସ୍ପର ସହ ଧକ୍କା ହୋଇ ଓଲଟିପଡିଥିଲେ ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା