ଭୁବନେଶ୍ୱର, 4 ଜୁଲାଇ (ହି.ସ.)

- ରାଜ୍ୟରେ

ବନ୍ୟା ସ୍ଥିତି ନାହିଁ । ସୁବର୍ଣ୍ଣରେଖାରେ ପାଣି କମିଛି । କେଉଁ ବେସିନରେ ପାଣି ଅଧିକ ନାହିଁ ।

ସତର୍କ ସୂଚନା କେଉଁଠି ନାହିଁ ବୋଲି କହିଛନ୍ତି ଜଳ ସମ୍ପଦ ବିଭାଗ ସର୍ବୋଚ୍ଚ ଯନ୍ତ୍ରୀ ଚନ୍ଦ୍ରଶେଖର

ପାଢ଼ୀ କହିଛନ୍ତି ।

ସେ କହିଛନ୍ତି ଯେ,

ଛତିଶଗଡରେ ବର୍ଷା ହେଉଛି । ତାଙ୍କ ପାଣି ଛାଡିବାକୁ ଆମେ ଅପେକ୍ଷା କରିଛୁ । ସ୍ୱାଭାବିକ

ପ୍ରକ୍ରିୟାରେ ଏସଓପି ଅନୁସାରେ ହୀରାକୁଦର 6 ଗେଟ ଖୋଲା ହେବ । ପୂଜା କରିକି ଗେଟ ଖୋଲାଯିବ ।

ହେଲେ ସତର୍କ ସ୍ଥିତି ନାହିଁ । 630 ଫୁଟ ହୀରାକୁଦର ଜଳ ଧାରଣ କ୍ଷମତା ରହିଛି । ଏବେ 605 ଫୁଟ

ପାଣି ଅଛି । ମହାନଦୀ ଉପରମୁଣ୍ଡ ସୁନ୍ଦରଗଡ଼ ଓ ଛତିଶଗଡ ଛଡା ଆଉ କେଉଁଠି ବର୍ଷା ନାହିଁ ।

ରାସ୍ତା ସମ୍ପ୍ରସାରଣ ଯୋଗୁଁ ଭୁବନେଶ୍ୱରରେ 6 ନମ୍ବର ଡ୍ରେନରେ ସ୍ଲାବ ଦବିଛି । ତେଣୁ ଜଳ

ନିଷ୍କାସନ ହେବାରେ ସମସ୍ୟା ହେଉଛି । ସକାଳେ ଘଟଣା ସ୍ଥଳ ପରିଦର୍ଶନ କରାଯାଇଛି । ଜଳ ସମ୍ପଦ

ବିଭାଗ ଅସ୍ଥାୟୀ ବିକଳ୍ପ ଭାବେ ତାକୁ ଖୋଳିକି ପାଣି ବାହାର କରାଯିବ ବୋଲି ସେ କହିଛନ୍ତି ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା