ସମସ୍ତିପୁରରେ ପାଇଖାନା ଟାଙ୍କି ସଫା କରିବା ସମୟରେ ଗୋଟିଏ ପରିବାରର ତିନି ଜଣଙ୍କର ମୃତ୍ୟୁ
ପାଟନା, ୯ ଜୁଲାଇ (ହି.ସ.)- ସମସ୍ତିପୁର ଜିଲ୍ଲାର ବିଥାନ ବ୍ଲକ ସଲାହା ବୁଜୁର୍ଗ ଗ୍ରାମରେ ପାଇଖାନା ଟାଙ୍କି ସଫା କରିବା ସମୟରେ ଶ୍ୱାସରୁଦ୍ଧ ହୋଇ ଗୋଟିଏ ପରିବାରର ତିନି ଜଣଙ୍କର ମୃତ୍ୟୁ ହୋଇଛି। ମୃତକଙ୍କ ମଧ୍ୟରେ ଦୁଇ ଭାଇ ଏବଂ ସେମାନଙ୍କ ମଧ୍ୟରୁ ଜଣଙ୍କର ପୁଅ ଅଛନ୍ତି। ଘଟଣା ସମ୍ପର୍କରେ ସୂଚନା ପାଇବା
ସମସ୍ତିପୁରରେ ପାଇଖାନା ଟାଙ୍କି ସଫା କରିବା ସମୟରେ ଗୋଟିଏ ପରିବାରର ତିନି ଜଣଙ୍କର ମୃତ୍ୟୁ


ପାଟନା, ୯ ଜୁଲାଇ (ହି.ସ.)- ସମସ୍ତିପୁର ଜିଲ୍ଲାର ବିଥାନ ବ୍ଲକ ସଲାହା ବୁଜୁର୍ଗ ଗ୍ରାମରେ ପାଇଖାନା ଟାଙ୍କି ସଫା କରିବା ସମୟରେ ଶ୍ୱାସରୁଦ୍ଧ ହୋଇ ଗୋଟିଏ ପରିବାରର ତିନି ଜଣଙ୍କର ମୃତ୍ୟୁ ହୋଇଛି। ମୃତକଙ୍କ ମଧ୍ୟରେ ଦୁଇ ଭାଇ ଏବଂ ସେମାନଙ୍କ ମଧ୍ୟରୁ ଜଣଙ୍କର ପୁଅ ଅଛନ୍ତି। ଘଟଣା ସମ୍ପର୍କରେ ସୂଚନା ପାଇବା ପରେ ଘଟଣାସ୍ଥଳରେ ପହଂଚି ଲରଝା ଘାଟ ଥାନା ପୋଲିସ ମୃତଦେହଗୁଡ଼ିକୁ ପୋଷ୍ଟମର୍ଟମ ପାଇଁ ପଠାଇଛି।

ପୀଡିତ ପରିବାରଙ୍କ ଅନୁଯାୟୀ, ରାମ ଉମେଶ ସାହୁ (୪୨) ତାଙ୍କ ଘରେ ନିର୍ମିତ ଏକ ପୁରୁଣା ପାଇଖାନା ଟାଙ୍କି ସଫା କରିବାକୁ ଯାଇଥିଲେ। ଏହି ସମୟରେ ପୁରୁଣା ଟାଙ୍କିରୁ ନୂତନ ଟାଙ୍କିକୁ ଗ୍ୟାସ ଏବଂ ପାଣି ଲିକ୍ ହେଉଥିଲା। ଯେତେବେଳେ ରାମ ଉମେଶ ବହୁତ ସମୟ ପର୍ଯ୍ୟନ୍ତ ବାହାରକୁ ଆସି ନଥିଲେ, ତାଙ୍କ ସାନ ଭାଇ ଦୟା ରାମ ସାହୁ (୩୮) ତାଙ୍କୁ ଦେଖିବାକୁ ଏବଂ ବଂଚାଇବାକୁ ସେହି ଟାଙ୍କି ଭିତରକୁ ଓହ୍ଲାଇ ଯାଇଥିଲେ। ଦୁର୍ଭାଗ୍ୟବଶତଃ, ସେ ମଧ୍ୟ ଭିତରକୁ ଯିବା ମାତ୍ରେ ଚେତାଶୂନ୍ୟ ହୋଇ ପଡ଼ିଥିଲେ।

ଯେତେବେଳେ ତାଙ୍କ ବାପା ଏବଂ କାକା ବାହାରକୁ ଆସି ନଥିଲେ, ଦୟା ରାମ ସାହୁଙ୍କ ୧୫ ବର୍ଷୀୟ ପୁଅ ରାଧେଶ୍ୟାମ ସାହୁ ସେମାନଙ୍କୁ ବଂଚାଇବା ପାଇଁ ଟାଙ୍କି ଭିତରକୁ ଓହ୍ଲାଇ ଯାଇଥିଲେ, କିନ୍ତୁ ବିଷାକ୍ତ ଗ୍ୟାସ୍ ଦ୍ୱାରା ଆକ୍ରାନ୍ତ ହୋଇ ସେ ମଧ୍ୟ ଚେତାଶୂନ୍ୟ ହୋଇ ପଡ଼ିଥିଲେ।

ଘଟଣା ପରେ, ଗାଁ ଲୋକେ ତୁରନ୍ତ ଜେସିବି ଏବଂ ସିଡ଼ି ସାହାଯ୍ୟରେ ତିନି ଜଣଙ୍କୁ ଟାଙ୍କିରୁ ବାହାର କରି ହସନପୁର ସିଏଚସିରେ ଭର୍ତୀ କରିଥିଲେ। କିନ୍ତୁ ସେମାନଙ୍କ ଗୁରୁତର ଅବସ୍ଥା ଦେଖି ଡାକ୍ତରମାନେ ତୁରନ୍ତ ସେମାନଙ୍କୁ ରେଫର କରିଥିଲେ। ପରିବାର ଲୋକେ ସେମାନଙ୍କୁ ଉନ୍ନତ ଚିକିତ୍ସା ପାଇଁ ବେଗୁସରାଇ ନେଇଯାଇଥିଲେ, କିନ୍ତୁ ଚିକିତ୍ସା ସମୟରେ ତିନି ଜଣଙ୍କ ମୃତ୍ୟୁ ହୋଇଥିଲା।

--------------

---------------

ହିନ୍ଦୁସ୍ଥାନ ସମାଚାର / ଗଗନ


 rajesh pande