ସମ୍ବଲପୁର, ୧୦ ଅଗଷ୍ଟ (ହି.ସ.) କୋଲକାତାର ନେତାଜୀ ଇଣ୍ଡୋର ଷ୍ଟାଡିୟମରେ ଗତ ଜୁଲାଇ ୨୫ ରୁ ୨୭ ତାରିଖ ପର୍ଯ୍ୟନ୍ତ ଆନ୍ତର୍ଜାତୀୟ କରାଟେ ଚାମ୍ପିଅନସିପ୍ ଆୟୋଜିତ ହୋଇଥିଲା । ଯେଉଁଥିରେ ଭାରତ ସମେତ ୧୦ଟି ଦେଶର ବିଭିନ୍ନ ବର୍ଗରେ ୫ ଶହରୁ ଅଧିକ ଖେଳାଳୀ ଅଂଶଗ୍ରହଣ କରିଥିଲେ। ଏଥିରେ ଓଡ଼ିଶାର ସମ୍ୱଲପୁର ପଟ୍ଟନାୟକ ପଡ଼ାର ଫେଜର କ୍ଲବର ନୀଲମ ମାର୍ଶାଲ ଆର୍ଟ୍ ର ଦୁଇ ଜଣ ଖେଳାଳୀ ଅଂଶଗ୍ରହଣ କରିଥିଲେ। ଏହି ପ୍ରତିଯୋଗିତାରେ ପୁରଵରାଜ୍ ମେହର ଗୋଟିଏ ସ୍ୱର୍ଣ୍ଣ ସହିତ ଗୋଟିଏ ରୌପ୍ୟ ପଦକ ଜିତିଥିଲେ ଓ ନିଧି ଛତ୍ରପାଲ ଗୋଟିଏ ସ୍ୱର୍ଣ୍ଣ ଏବଂ ଗୋଟିଏ କାଂସ୍ୟ ପଦକ ଜିତି ସମ୍ବଲପୁର ତଥା ଓଡ଼ିଶା ପାଇଁ ଗୌରବ ଆଣିଥିଲେ। ସଂସ୍ଥାର ସମ୍ପାଦକ ନୀଲମ କୁମାରୀ ଓ ପ୍ରଶିକ୍ଷକ ଵମନ ନାଗ ସେମାନଙ୍କୁ ଆଜି ଏକ ସ୍ବତନ୍ତ୍ର କାର୍ଯ୍ୟକ୍ରମରେ ଅଭିନନ୍ଦନ ଜଣାଇଛନ୍ତି।

---------------

ହିନ୍ଦୁସ୍ଥାନ ସମାଚାର / ଶୈଳେଶ