ସମ୍ବଲପୁର, ୧୪ ଅଗଷ୍ଟ (ହି.ସ.) - ଭାରତର ବିଭାଜନ ସମୟରେ ଲକ୍ଷ ଲକ୍ଷ ଲୋକଙ୍କ ଦୁଃଖକୁ ସାମ୍ନାକୁ ଆଣିବା ପାଇଁ ସମଗ୍ର ଦେଶ ୧୪ ଅଗଷ୍ଟ ୨୦୨୫ ରେ ଦେଶ ବିଭାଜନ ସମୟର ବିଭୀଷିକା ସ୍ମରଣ ଦିବସ ପାଳନ କରୁଛି । ବିଭାଜନ ସମୟରେ ହୋଇଥିବା ଲକ୍ଷ ଲକ୍ଷ ଲୋକଙ୍କ ଦୁଃଖଦ ଓ ଦାରୁଣ ମାନସିକ ଯନ୍ତ୍ରଣାକୁ ସାମ୍ନାକୁ ଆଣିବାପାଇଁ ବିଭାଜନ ସମୟର ଭୟାବହକୁ ସ୍ମରଣ କରିବା ପାଇଁ ଏହି ସ୍ମରଣ ଦିବସ ଧାର୍ଯ୍ୟ କରାଯାଇଛି । ଗତ ଶତାଦ୍ଧୀରେ ମାନବ ଜନସଂଖ୍ୟାର ସର୍ବବୃହତ ବିସ୍ଥାପନ ଦେଶ ସ୍ୱାଧିନତା ସମୟରେ କରାଯାଇଥିଲା । ଯାହାକି ବହୁସଂଖ୍ୟକ ଲୋକଙ୍କ ଜୀବନହାନି ଘଟାଇଥିଲା । ବିଭାଜନ ସମୟର ବିଭୀଷିକାକୁ ସ୍ମରଣ କରିବାପାଇଁ ସମ୍ବଲପୁର ରେଳ ମଣ୍ଡଳ ପକ୍ଷରୁ ସମ୍ବଲପୁର ରେଳ ଷ୍ଟେସନ ଠାରେ ୧୪ ଅଗଷ୍ଟ ୨୦୨୫ ରେ ଏକ ପ୍ରଦର୍ଶନୀ ଆୟୋଜିତ ହୋଇଯାଇଅଛି । ମଣ୍ଡଳ ରେଳ ପ୍ରବନ୍ଧକ, ସମ୍ବଲପୁର, ସୁବାସ ଚନ୍ଦ୍ର ଚୌଧରୀ, ବିଭାଜନ ସମୟର ବିଭୀଷିକା ସ୍ମରଣ ଦିବସ ପ୍ରଦର୍ଶନୀକୁ ଉଦଘାଟନ କରିଥିଲେ । ଏହି ଅବସରରେ ମଣ୍ଡଳର ସମସ୍ତ ଅଧିକାରୀ ଓ କର୍ମଚାରୀମାନେ ଉପସ୍ଥିତ ଥିଲେ ।

ହିନ୍ଦୁସ୍ଥାନ ସମାଚାର / ଶୈଳେଶ