ଭଦ୍ରକ, ୧୭ ଅଗଷ୍ଟ (ହି.ସ.) - ରବିବାର ସଂକ୍ରାନ୍ତି ଅବସରରେ ଆରଡି ପୀଠର ବା୍ୱା ଆଖଣ୍ଡଳମଣିଙ୍କ ଦର୍ଶନ ଓ ପୂଜାର୍ଚ୍ଚନା ପାଇଁ ଅଗଣିତ ଭକ୍ତଙ୍କ ଭିଡ ଜମିଥିଲା ପୀଠରେ। ମେଡିକାଲ ଠାରୁ ବାଇପାସ ଡିହସାହି ଛକ ଯାଏଁ ମୁଖ୍ୟରାସ୍ତା ସକିର୍ଣ୍ଣ ଯୋଗୁ ଆଗନ୍ତୁକ ଭକ୍ତମାନଙ୍କର ଶହଶହ ଗାଡି ଅଟକି ରହିବା ଫଳରେ ନାନା ହରକତ ହୋଇଥିଲେ ଶ୍ରଦ୍ଧାଳୁ ଭକ୍ତ। ଏପରିକି ପାଦଚଲା ଲୋକଙ୍କର ମଧ୍ୟ ଯାତାୟତ ଠପ୍ ହୋଇଯାଇଥିଲା। ରବିବାର ଛୁଟି ଦିନ ଥିବା ବେଳେ ସଂକ୍ରାନ୍ତି ଅବସରରେ ହଜାର ହଜାର ଭକ୍ତ ଅଚାନକ ଆସିବା ଫଳରେ ଏପରି ସମସ୍ୟା ଦେଖା ଦେଇଥିବା ପ୍ରଶିସନ ପକ୍ଷରୁ ପ୍ରକାଶ ପାଇଛି। ଆଖଣ୍ଡଳମଣିଙ୍କ ପୀଠ ଓଡ଼ିଶାର ଏକ ପ୍ରମୁଖ ଶୈବପୀଠ ହୋଇଥିବାରୁ ପୀଠର ସମ୍ପ୍ରସାରଣ କାର୍ଯ୍ୟ ଜରୁରୀ ହୋଇ ପଡିଥିବା କହିଛନ୍ତି ସ୍ଥାନୀୟ ଲୋକ। ସେହିପରି ଆଗନ୍ତୁକ ହଜାର ହଜାର ଭକ୍ତଙ୍କର ଅଚାନକ ସମାଗମ ହୋଇଥିବାରୁ ମନ୍ଦିରରେ ବାବାଙ୍କ ଦର୍ଶନ ପାଇଁ କୈାଣସି ବ୍ୟବସ୍ଥା ନଥିବାରୁ ଦର୍ଶନ ପାଇଁ ଭକ୍ତଙ୍କ ମଧ୍ୟରେ କିଛି ସମୟ ଧରି ଠେଲାପେଲା ଲାଗି ରହିଥିଲା।ହିନ୍ଦୁସ୍ଥାନ ସମାଚାର / ପ୍ରମୋଦ

ହିନ୍ଦୁସ୍ଥାନ ସମାଚାର / ପ୍ରମୋଦ କୁମାର ରାୟ