ଶ୍ରୀନଗର, ୩୧ ଅଗଷ୍ଟ (ହି.ସ.)- ଜମ୍ମୁ ଏବଂ କାଶ୍ମୀରର ବିରୋଧୀ ଦଳ ନେତା ସୁନୀଲ ଶର୍ମା ରବିବାର କହିଛନ୍ତି ଯେ, ଉପରାଜ୍ୟପାଳ ମନୋଜ ସିହ୍ନା ଭବିଷ୍ୟତରେ ମାତା ବୈଷ୍ଣୋଦେବୀ ତୀର୍ଥଯାତ୍ରାକୁ ସୁରକ୍ଷିତ କରିବା ପାଇଁ ପଦକ୍ଷେପ ନେବେ । ଅଗଷ୍ଟ ୨୬ ତାରିଖରେ ଅର୍ଦ୍ଧକୁମାରୀ ନିକଟରେ ଭୂସ୍ଖଳନରେ ୩୦ ରୁ ଅଧିକ ଲୋକ ପ୍ରାଣ ହରାଇଥିଲେ ।
ଶ୍ରୀ ଶର୍ମା ରବିବାର କହିଛନ୍ତି ଯେ, ସାତ ଜଣ ଆହତଙ୍କ ଅବସ୍ଥା ବର୍ତମାନ ସ୍ଥିର ଅଛି । ସେମାନଙ୍କର ସନ୍ତୋଷଜନକ ଚିକିତ୍ସା ଚାଲିଛି । ଏହା ଏକ ଯନ୍ତ୍ରଣାଦାୟକ, ଦୁଃଖଦ ଏବଂ ପରିତାପର ଘଟଣା । ପ୍ରାୟ ୩୫-୩୬ ଜଣ ଲୋକଙ୍କ ଜୀବନ ଗଲା । ପୁଙ୍ଖାନୁପୁଙ୍ଖ ତଦନ୍ତ ପାଇଁ ତିନି ସଦସ୍ୟ ବିଶିଷ୍ଟ କମିଟି ଗଠନ କରିବା ପାଇଁ ମୁଁ ମନୋଜ ସିହ୍ନାଙ୍କୁ ଧନ୍ୟବାଦ ଜଣାଉଛି । ଏହା ଏକ ଆକସ୍ମିକ ଯାତ୍ରା ନୁହେଁ । ମନୋଜ ସିହ୍ନା ଭବିଷ୍ୟତରେ ଏହି ଯାତ୍ରାକୁ ସୁରକ୍ଷିତ କରିବା ପାଇଁ ପଦକ୍ଷେପ ନେବା ଉଚିତ୍ । ଶର୍ମା ଆହତମାନଙ୍କୁ ଭେଟିବା ପାଇଁ ଦିନକ ପୂର୍ବରୁ ଶ୍ରୀ ମାତା ବୈଷ୍ଣୋଦେବୀ ନାରାୟଣ ହସ୍ପିଟାଲ ଗସ୍ତ କରିଥିଲେ ଏବଂ ହସ୍ପିଟାଲ ଅଧିକାରୀମାନଙ୍କୁ ଭେଟିଥିଲେ । ଆହତ ମାନଙ୍କୁ ସର୍ବୋତମ ଯତ୍ନ ଯୋଗାଇବାକୁ ଅନୁରୋଧ କରିଥିଲେ ।
ହିନ୍ଦୁସ୍ଥାନ ସମାଚାର / ପ୍ରଦୀପ୍ତ