ଭୋପାଲ, 31 ଅଗଷ୍ଟ (ହି.ସ.)- ଦିଲ୍ଲୀରୁ

ଇନ୍ଦୋରକୁ ଯାଉଥିବା ଏୟାର୍ ଇଣ୍ଡିଆର ଏକ ବିମାନ ଟେକଅଫ୍ କରିଥିବା କିଛି ସମୟ ପରେ ଯାନ୍ତ୍ରିକ

ତ୍ରୁଟି ପାଇଁ ସମସ୍ୟାର ସମ୍ମୁଖୀନ ହୋଇଛି । ଖବର ଅନୁଯାୟୀ, ବିମାନର ଡାହାଣ

ଇଞ୍ଜିନରେ ନିଆଁ ଲାଗିଥିବା ଆଲର୍ଟ ମିଳିଥିଲା। ଏହି ସୂଚନା ସହିତ ସଂପୃକ୍ତ କାର୍ଯ୍ୟାଳୟକୁ

ସତ୍ବର ଅବଗତ କରାଯାଇଥିଲା, ଯାହାପରେ ପାଇଲଟ୍ ତୁରନ୍ତ ଡାହାଣ ଇଞ୍ଜିନ ବନ୍ଦ

କରିଦେଲେ ଓ ଗୋଟିଏ ଇଞ୍ଜିନରେ ବିମାନକୁ ଦିଲ୍ଲୀ ବିମାନବନ୍ଦରରେ ଜରୁରୀକାଳୀନ ଲ୍ୟାଣ୍ଡିଂ କରାଯାଇଥିଲା।

ରବିବାର ଏୟାର୍ ଇଣ୍ଡିଆର

ଫ୍ଲାଇଟ୍ ଏଆଇ2913 ଦିଲ୍ଲୀରୁ ଇନ୍ଦୋର ପାଇଁ ଉଡ଼ାଣ ଭରିଥିଲା।

ବିମାନ ଟେକଅଫ୍ କରିଥିବା ପରେ ହିଁ ପାଇଲଟ୍‌କୁ ଫାୟର୍ ଇଣ୍ଡିକେସନ୍ ମିଳିଥିଲା। ଏହା ପରେ

ପାଇଲଟ୍ ଆଲର୍ଟ ପଠାଇଥିଲେ ଓ ପୁନଃ ଲ୍ୟାଣ୍ଡିଂ ପାଇଁ ଅନୁମତି ଚାହିଁଥିଲେ। ତତ୍କାଳ ଅନୁମତି

ମିଳିବା ପରେ ବିମାନକୁ ସୁରକ୍ଷିତ ଭାବରେ ଲ୍ୟାଣ୍ଡ କରାଯାଇଥିଲା। ଏହି ସମୟରେ ଗ୍ରାଉଣ୍ଡ ଷ୍ଟାଫ୍‌ମାନଙ୍କୁ

ଆଲର୍ଟ ରଖାଯାଇଥିଲା।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା