କାଠମାଣ୍ଡୁ, 31 ଅଗଷ୍ଟ (ହି.ସ.)- ଚୀନର ବିଦେଶ
ମନ୍ତ୍ରାଳୟ ନେପାଳୀ ଅଞ୍ଚଳ ଲିପୁଲେଖ ମାର୍ଗରେ ବ୍ୟବସାୟ ପୁନଃ ଆରମ୍ଭ କରିବାକୁ ନେଇ ଭାରତ-ଚୀନ
ମଧ୍ୟରେ ହୋଇଥିବା ବୁଝାମଣା ବିଷୟରେ ନିରବତା ଅବଲମ୍ବନ କରିଛି।
ଶନିବାର ତିଆନଜିନରେ ନେପାଳର
ପ୍ରଧାନମନ୍ତ୍ରୀ କେ.ପି. ଶର୍ମା ଓଲି ଓ ଚୀନର ରାଷ୍ଟ୍ରପତି ଶି ଜିନପିଙ୍ଗ ମଧ୍ୟରେ ହୋଇଥିବା
ଦୁଇପାକ୍ଷିକ ବୈଠକ ସମ୍ପର୍କରେ ଚୀନ ବିଦେଶ ମନ୍ତ୍ରାଳୟ ଯେଉଁ ବିବୃତ୍ତି ଜାରି କରିଛି, ସେଥିରେ ଏହି ବିଷୟର କୌଣସି ଉଲ୍ଲେଖ ନାହିଁ।
ଚୀନ ରାଷ୍ଟ୍ରପତି ଶି
ଜିନପିଙ୍ଗଙ୍କ ସହିତ ସାକ୍ଷାତ ସନ୍ଦର୍ଭରେ ନେପାଳ ବିଦେଶ ମନ୍ତ୍ରାଳୟ ତରଫରୁ ଜାରି ବିବୃତ୍ତିରେ
କୁହାଯାଇଛି ଯେ, ନେପାଳର ପ୍ରଧାନମନ୍ତ୍ରୀ ଓଲି କହିଛନ୍ତି – “1816 ମସିହାର ସୁଗୌଲି ସନ୍ଧି ଅନୁସାରେ ମହାକାଳୀ ନଦୀର ପୂର୍ବ ଅଞ୍ଚଳର ସମସ୍ତ ଭୂମି
ନେପାଳର ସଂପ୍ରଭୁତ ଅଂଶ ଅଟେ,” ଏବଂ ସେ ବିଶ୍ବାସ ପ୍ରକାଶ
କରିଛନ୍ତି ଯେ “ଏହି ବିଷୟରେ ଚୀନ୍ ନେପାଳକୁ ସମର୍ଥନ ଦେବ।”
ନେପାଳୀ ପକ୍ଷ ଏହି ମଧ୍ୟ ଦାବି କରିଥିଲେ ଯେ, ଏହା ପ୍ରତିଉତ୍ତରରେ ଚୀନ
ରାଷ୍ଟ୍ରପତି ଶି କହିଥିଲେ ଯେ, ଚୀନ୍ ଭାରତ ଓ ନେପାଳ ମଧ୍ୟର ସୀମା ବିବାଦରେ ପକ୍ଷ ହେବାକୁ
ଚାହେଁ ନାହିଁ, କିନ୍ତୁ ଚୀନ ବିଦେଶ ମନ୍ତ୍ରାଳୟ ତରଫରୁ ଜାରି ବିବୃତ୍ତିରେ ଏହାର କୌଣସି ଉଲ୍ଲେଖ ନାହିଁ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା