କମନୱେଲ୍ଥ ୱେଟଲିଫ୍ଟିଂ ଚାମ୍ପିଅନ୍‌ଶିପ୍ 2025 ରେ ଭାରତର ସମସ୍ତ ପଦକ ବିଜେତାଙ୍କୁ ଅଭିନନ୍ଦନ ଜଣାଇଲେ ଧର୍ମେନ୍ଦ୍ର ପ୍ରଧାନ
ଭୁବନେଶ୍ୱର, 31 ଅଗଷ୍ଟ (ହି.ସ.)- କମନୱେଲ୍ଥ ୱେଟଲିଫ୍ଟିଂ ଚାମ୍ପିଅନ୍‌ଶିପ୍ 2025 ରେ ଭାରତର ସମସ୍ତ ପଦକ ବିଜେତାଙ୍କୁ ଅଭିନନ୍ଦନ ଜଣାଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଏନେଇ ସୋସିଆଲ ମିଡିଆ ଏକ୍ସରେ କେନ୍ଦ୍ରମନ୍ତ୍ରୀ କହିଛନ୍ତି ଯେ, କମନୱେଲ୍ଥ ୱେଟଲିଫ୍
କମନୱେଲ୍ଥ ୱେଟଲିଫ୍ଟିଂ     ଚାମ୍ପିଅନ୍‌ଶିପ୍ 2025 ରେ ଭାରତର ସମସ୍ତ ପଦକ ବିଜେତାଙ୍କୁ ଅଭିନନ୍ଦନ ଜଣାଇଲେ ଧର୍ମେନ୍ଦ୍ର     ପ୍ରଧାନ


ଭୁବନେଶ୍ୱର, 31 ଅଗଷ୍ଟ (ହି.ସ.)- କମନୱେଲ୍ଥ

ୱେଟଲିଫ୍ଟିଂ ଚାମ୍ପିଅନ୍‌ଶିପ୍ 2025 ରେ ଭାରତର ସମସ୍ତ ପଦକ ବିଜେତାଙ୍କୁ ଅଭିନନ୍ଦନ ଜଣାଇଛନ୍ତି

କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଏନେଇ ସୋସିଆଲ ମିଡିଆ ଏକ୍ସରେ କେନ୍ଦ୍ରମନ୍ତ୍ରୀ

କହିଛନ୍ତି ଯେ, କମନୱେଲ୍ଥ ୱେଟଲିଫ୍ଟିଂ ଚାମ୍ପିଅନ୍‌ଶିପ୍ 2025 ରେ ଭାରତର ଅସାଧାରଣ ଉପଲବ୍ଧି ।

ମୋଟ୍ 35ଟି ପଦକ, ଯେଉଁଥିରେ 24ଟି ସୁନା ପଦକ, ସହିତ ଭାରତ ସିଡବ୍ଲୁସି 2025ରେ

ନିର୍ବିବାଦ ଭାବେ ଶୀର୍ଷ ସ୍ଥାନ ଅଧିକାର କରିଛି। ଓଡ଼ିଶାର ଖେଳାଳିମାନେ, ବିଶେଷ କରି ଝିଅମାନେ, ତାଙ୍କ ଶ୍ରେଷ୍ଠ ପ୍ରଦର୍ଶନ ଦ୍ୱାରା ଏହି ସଫଳତାକୁ

ଆହୁରି ମିଠା କରିଦେଇଛନ୍ତି। ଏହି ଉଲ୍ଲେଖନୀୟ କାର୍ଯ୍ୟଦକ୍ଷତା ପ୍ରତ୍ୟେକ ଭାରତବାସୀଙ୍କୁ

ଗର୍ବିତ କରାଇଛି ।

ପ୍ରୀତିସ୍ମିତା ଭୋଇ, ମୀନା ସାନ୍ତା,

ବିଦୁସ୍ମିତା ଭୋଇ ଓ ସ୍ନେହା ସୋରେନ୍ କେବଳ ଭାରତର ପଦକ

ସଂଖ୍ୟାକୁ ବଢ଼ାଇନାହାନ୍ତି, ସେମାନେ ଏହା ମଧ୍ୟ ଦେଖାଇଦେଇଛନ୍ତି ଯେ କିପରି ଓଡ଼ିଶା

ଏବେ ଭାରତର ବର୍ଦ୍ଧିତ ୱେଟଲିଫ୍ଟିଂ କେନ୍ଦ୍ର ଭାବେ ଉଭା ହେଉଛି।

ପ୍ରଧାନମନ୍ତ୍ରୀ ଶ୍ରୀ

ନରେନ୍ଦ୍ର ମୋଦିଙ୍କ ଦ୍ୱାରା ଭାରତକୁ ଏକ ଖେଳ ରାଷ୍ଟ୍ର ରୂପେ ପରିଣତ କରିବା ପାଇଁ ଆରମ୍ଭ

କରାଯାଇଥିବା ପ୍ରୟାସ ଓ ଓଡ଼ିଶା ସରକାରଙ୍କ ଦ୍ୱାରା ଖେଳକୁ ଲୋକପ୍ରିୟ କରିବା ସହ ନୂଆ ପ୍ରତିଭା

ଚିହ୍ନଟ କରି ପ୍ରଶିକ୍ଷଣ ଦେବା ଉଦ୍ୟମ ବର୍ତ୍ତମାନ ଫଳ ଦେଉଛି।

ଏହି ସଫଳତା ଦେଶ ଉପରେ ଗୌରବ

ଆଣିଛି ଓ ଏକ ଶ୍ରେଷ୍ଠ ଉଦାହରଣ ଦେଉଛି ଯେ କିପରି ଏକ ହୋଲିଷ୍ଟିକ୍ ଓ ସମସ୍ତଙ୍କ ସଂଲଗ୍ନ ପ୍ରୟାସ

ଲୋକମାନଙ୍କ ଜୀବନ ବଦଳାଇପାରେ ଓ ପ୍ରତିଭାକୁ ପଦକରେ ପରିଣତ କରିପାରେ।

ସମସ୍ତ ପଦକ ବିଜେତାଙ୍କୁ

ହୃଦୟରୁ ଅଭିନନ୍ଦନ। ସେମାନଙ୍କ ପଦକ ଆଗାମୀ ଆଥଲେଟମାନଙ୍କ ପାଇଁ ପ୍ରେରଣା ହୋଇ ରହିବ ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା


 rajesh pande