ଡେରାଡୁନ, 31 ଅଗଷ୍ଟ (ହି.ସ.)- ଚମୋଳିଲି ଜିଲ୍ଲାର

ସୀମାନ୍ତ ଅଞ୍ଚଳକୁ ଯୋଗାଯୋଗ କରୁଥିବା ଜ୍ୟୋତିର୍ମଠ-ମଲାରୀ ରାସ୍ତାରେ ଥିବା ତମକ ନାଳ ଉପରେ ତିଆରି

ପୋଲ ଭାସିଯିବା ଫଳରେ ଏହି ରାସ୍ତା ସଂପୂର୍ଣ୍ଣରୂପେ ବନ୍ଦ ହୋଇଯାଇଛି। ସୀମା ସଡ଼କ ସଂଗଠନ ଏହି

ରାସ୍ତାରେ ଯିବାଆସିବା ପୁନଃ ଆରମ୍ଭ କରିବାକୁ ଜୋରଦାର ଚେଷ୍ଟା କରୁଛି। ଚାରଧାମ ରାସ୍ତାଗୁଡ଼ିକ

ଏପର୍ଯ୍ୟନ୍ତ ବନ୍ଦ ଅଛି। ଏଥିପାଇଁ ପାଣିପାଗ ବିଭାଗ ରାଜ୍ୟର ୮ଟି ଜିଲ୍ଲାରେ ବର୍ଷା ପାଇଁ ଅରେଞ୍ଜ୍

ଆଲର୍ଟ୍ ଜାରି କରିଛି।

ରାଜ୍ୟରେ ଲଗାତାର ହେଉଥିବା ପ୍ରବଳ

ବର୍ଷା ଲୋକଙ୍କ ଦୈନିକ ଜୀବନରେ ବ୍ୟାପକ ପ୍ରଭାବ ପକାଇଛି। ଏହି ସମୟରେ ଚମୋଲି, ରୁଦ୍ରପ୍ରୟାଗ ଓ ବାଗେଶ୍ୱର ଜିଲ୍ଲାର ବିପର୍ଯ୍ୟୟ ପ୍ରଭାବିତ ଅଞ୍ଚଳଗୁଡିକରେ ତଲାସୀ ଓ

ଉଦ୍ଧାର କାର୍ଯ୍ୟ ଚାଲିଛି। ବର୍ଷା ଏହି ଉଦ୍ଧାର କାର୍ଯ୍ୟରେ ବାଧା ସୃଷ୍ଟି କରୁଛି। ରାଜ୍ୟ ବିପର୍ଯ୍ୟୟ

ପ୍ରବନ୍ଧନ ପ୍ରାଧିକରଣଙ୍କ ନିର୍ଦ୍ଦେଶ ଅନୁସାରେ ସ୍ଥାନୀୟ ପ୍ରଶାସନ ରିଲିଫ ଓ ଉଦ୍ଧାର

କାର୍ଯ୍ୟରେ ଲାଗିଛି।

ଚମୋଲି ଜିଲ୍ଲାରେ ଗତ

ରାତିଠାରୁ ଲଗାତାର ବର୍ଷା ହେଉଛି। ବର୍ଷାର କାରଣରେ ଜୋଶୀମଠ ନୀତି ଘାଟୀକୁ ଯୋଡ଼ିଥିବା ରାସ୍ତା

ତମକ ନାଳ ନିକଟରେ ପୋଲ୍ ଭାସିଯିବା ପରେ ସଂପୂର୍ଣ୍ଣରୂପେ ବନ୍ଦ ହୋଇଯାଇଛି। ସାମରିକ

ଦୃଷ୍ଟିକୋଣରୁ ଏହି ରାସ୍ତା ବହୁତ ଗୁରୁତ୍ୱପୂର୍ଣ୍ଣ, କାରଣ ସୀମାରେ ଥିବା ଯବାନମାନଙ୍କ ଆବଶ୍ୟକ ବସ୍ତୁ ଏହି ରାସ୍ତା ଦ୍ୱାରା ପଠାଯାଏ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା