ନୂଆଦିଲ୍ଲୀ, 31 ଅଗଷ୍ଟ (ହି.ସ.) - ପ୍ରଧାନମନ୍ତ୍ରୀ

ନରେନ୍ଦ୍ର ମୋଦି ରବିବାର ତାଙ୍କର ମାସିକ ରେଡିଓ କାର୍ଯ୍ୟକ୍ରମ ‘ମନ କୀ ବାତ୍’

ରେ କହିଛନ୍ତି ଯେ ବର୍ଷା ଋତୁର ଏହି ସମୟରେ ପ୍ରାକୃତିକ

ବିପଦଗୁଡ଼ିକ ଦେଶର ବଡ଼ ପରୀକ୍ଷା ନେଇଛି। ବନ୍ୟା ଓ ଭୂସ୍ଖଳନ ଦ୍ୱାରା ଘର ଓ କ୍ଷେତ ନଷ୍ଟ

ହୋଇଯାଇଛି, ପୋଲ୍ ଓ ସଡ଼କ ଭାସିଯାଇଛି ଏବଂ ଅନେକ ପରିବାର ସଂକଟରେ ପଡ଼ିଛନ୍ତି।

ସେ କହିଛନ୍ତି ଯେ,

ଯେଉଁ ପରିବାର ତାଙ୍କର ପ୍ରିୟଜନଙ୍କୁ ହରାଇଛନ୍ତି, ସେହି ଦୁଃଖ ସମସ୍ତ ଦେଶର ଦୁଃଖ।

ପ୍ରଧାନମନ୍ତ୍ରୀ ଜଣାଇଛନ୍ତି

ଯେ ପ୍ରଭାବିତ ଅଞ୍ଚଳଗୁଡ଼ିକରେ ଏନଡିଆରଏଫ, ରାଜ୍ୟ ବିପର୍ଯ୍ୟୟ

ପ୍ରତିକ୍ରିୟା ବଳ ଓ ସୁରକ୍ଷା ବଳ ଦିନ-ରାତି ରେସକ୍ୟୁ କାର୍ଯ୍ୟରେ ଲାଗିଛନ୍ତି। ପ୍ରଯୁକ୍ତିର ବ୍ୟବହାର

ଦ୍ୱାରା ତାପୀୟ କ୍ୟାମେରା, ଜୀବନ ଖୋଜିବା ଯନ୍ତ୍ର, ସନ୍ଧାନୀ କୁକୁର ଓ ଡ୍ରୋନ୍ ଦ୍ୱାରା ନିରୀକ୍ଷଣ କରି ଖୋଜା ଓ ଉଦ୍ଧାର କାର୍ଯ୍ୟ ତ୍ୱରିତ

କରାଯାଇଛି। ହେଲିକପ୍ଟର ଦ୍ୱାରା ରିଲିଫ ସାମଗ୍ରୀ ପଠାଯାଇଛି ଏବଂ ଆହତଙ୍କୁ ବିମାନ ମାଧ୍ୟମରେ

ଉଦ୍ଧାର କରାଯାଇଛି। ସେ ସେନା, ଡାକ୍ତର, ପ୍ରଶାସନ ଓ ସାଧାରଣ ଲୋକଙ୍କ ଦ୍ୱାରା ସଂକଟ ସମୟରେ ଦିଆଯାଇଥିବା ଅମୂଲ୍ୟ ଅବଦାନ ପ୍ରତି

ଶ୍ରଦ୍ଧା ଓ ସ୍ତୁତି ଜଣାଇଛନ୍ତି।

‘ମନ କୀ ବାତ୍’ର 125ତମ ସଂସ୍କରଣରେ

ପ୍ରଧାନମନ୍ତ୍ରୀ ଆଜି ପ୍ରାକୃତିକ ବିପଦ, ଜମ୍ମୁ-କଶ୍ମୀରର ଉପଲବ୍ଧି, ଆନ୍ତର୍ଜାତୀୟ ମଞ୍ଚରେ ଭାରତୀୟ ସଂସ୍କୃତିର ପ୍ରଦର୍ଶନ, ବିଜ୍ଞାନ, ପ୍ରଯୁକ୍ତି, ଖେଳ, ଯୁବଶକ୍ତି, ସିଭିଲ୍ ସେବା ଓ ବିଶ୍ୱସ୍ତରରେ ଭାରତର ଉପଲବ୍ଧି ଓ ପର୍ବପର୍ବାଣୀରେ ସ୍ୱଦେଶୀ ଉତ୍ପାଦକୁ

ଗୁରୁତ୍ୱ ଦେବା ଉପରେ ମତ ପ୍ରକାଶ କରିଛନ୍ତି।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା