ଭୁବନେଶ୍ୱର, 4 ଅଗଷ୍ଟ (ହି.ସ.)- ଏଫଏମକଲେଜ ଛାତ୍ରୀ ଆତ୍ମାହୁତି ଘଟଣାରେ ଆଉ 2 ଜଣ ଗିରଫ
ହେବା ପ୍ରସଙ୍ଗରେ ରାଜସ୍ୱ ମନ୍ତ୍ରୀ ସୁରେଶ ପୂଜାରୀ ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି
ଯେ, ପୂର୍ବ ସରକାର ସମୟରେ ଅପରାଧରେ ସରକାରୀ ଦଳର ଲୋକଙ୍କ ସଂପୃକ୍ତି ଅଭିଯୋଗ ଆସୁଥିଲା
ସେଥିପାଇଁ ତଦନ୍ତ ପ୍ରଭାବିତ ହେଉଥିଲା । କ୍ରାଇମବ୍ରାଞ୍ଚ ଏବଂ ଭିଜିଲାନ୍ସକୁ ପୂର୍ବ ସରକାର
ଅପରାଧୀଙ୍କୁ ବଞ୍ଚାଇବାକୁ ବ୍ୟବହାର କରୁଥିଲେ । ଭିଜିଲାନ୍ସ ଖଣ୍ଡା ଭଳି କାମ କରୁଥିଲା ଏବଂ
କ୍ରାଇମବ୍ରାଞ୍ଚ ଅପରାଧୀଙ୍କୁ ବଞ୍ଚାଇବାକୁ ଢାଲ ହେଉଥିଲା । ବିଜେପି ସରକାରରେ ମଧ୍ୟ ଉଭୟ
କାର୍ଯ୍ୟ କରୁଛନ୍ତି କିନ୍ତୁ ଧର୍ମ କି ପାର୍ଟି ପାଇଁ ନୁହେଁ । ବରଂ କ୍ରାଇମ୍ ବ୍ରାଞ୍ଚ ଏବଂ
ଭିଜିଲାନ୍ସ ଉଭୟ ସଂସ୍ଥା ଖଣ୍ଡା ଭଳି କାର୍ଯ୍ୟ କରୁଛନ୍ତି । ଯିଏ ଅପରାଧ କରୁଛି ଦଣ୍ଡିତ ହେବ ।
ଅତୀତରେ ଅପରାଧ ଘଟୁଥିଲା କିନ୍ତୁ ଆଇନ ଅପରାଧୀ ପାଖରେ ପହଞ୍ଚୁନଥିଲା । ତେଣୁ ଏଥିରୁ ବିରୋଧୀ
ଶିଖିବା ଏବଂ ସୁଧୁରିବା କଥା । ନିଜ କାର୍ଯ୍ୟ ବିରୋଧୀ ଯଦି ଦର୍ପଣରେ ଦେଖନ୍ତେ ଏସବୁ କୁହନ୍ତେ
ନାହିଁ । ଅପରାଧ ପ୍ରବଣତା ସମାଜରେ ଯୁଗେ ଯୁଗେ ରହିଛି ବୈଦିକ ଯୁଗରେ ମଧ୍ୟ ଅପରାଧ ରହିଥିଲା ।
କିନ୍ତୁ ବଡ଼ କଥା ଅପରାଧକୁ ରୋକିବାକୁ କଣ ପଦକ୍ଷେପ ନିଆଯାଉଛି । କିଛି ଦିନ ତଳେ ଜଣେ ଜଙ୍ଗଲ
ବାବୁଙ୍କ ପାଖରୁ ଶତାଧିକ ପ୍ଲଟ ମିଳିଲା । ପୂର୍ବରୁ ଯଦି ଧରା ହୋଇଥାନ୍ତେ ତେବେ ଏତେ ପ୍ଲଟ କରି
କରି ପାରିନଥାନ୍ତେ । ଏଫଏମକଲେଜ ଘଟଣା ହେଉ କି ଯେଉଁ ଘଟଣା ହେଉ । ବିଜେପି ସରକାରରେ ଏମିତି କୌଣସି ଘଟଣା ନାହିଁ,
ଯେଉଁଠି ଆଇନ ଅପରାଧୀ ପାଖରେ ପହଞ୍ଚି ନାହିଁ ବୋଲି
ସୁରେଶ ପୂଜାରୀ କହିଛନ୍ତି ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
04 Aug 2025
