ସମ୍ବଲପୁର, ୦୯ ଅଗଷ୍ଟ (ହି.ସ.)
ସମ୍ବଲପୁର ଜିଲ୍ଲା ମାନେଶ୍ୱର ବ୍ଲକ୍ ପରମାଣପୁର ସରକାରୀ ଉଚ୍ଚ ବିଦ୍ୟାଳୟ ସଭାକକ୍ଷରେ ନିର୍ମାଏଲ୍ ସାହିତ୍ୟ ସଂସଦ ଓ ପରମାଣପୁର ସରକାରୀ ଉଚ୍ଚ ବିଦ୍ୟାଳୟ ର ମିଳିତ ଆନୁକୁଲ୍ୟରେ ସୁନାମ ଧନ୍ୟ ସାହିତିକ ତଥା ସ୍ବଭାବ କବି ଗଂଗାଧର ମେହେର୍ ଙ୍କ ୧୬୪ ତମ ଜନ୍ମ ଜୟନ୍ତୀ ପାଳନ କରାଯାଇଅଛି | ଏହି କାର୍ଯ୍ୟକ୍ରମ ରେ ବର୍ଷିଆନ୍ ଲେଖକ ଶ୍ରୀ ବିଭୁତି ଭୁଷଣ ନାଥ ମୁଖ୍ୟ ଅତିଥି ଭାବରେ ଯୋଗଦେଇଥିବା ବେଲେ ମୁଖ୍ଯ ବକ୍ତା ଭାବରେ ଡ଼ ଝାସକେତନ ସାହୁ ମହାବିଦ୍ୟାଳୟର ଅଧ୍ୟାପକ ଶ୍ରୀ ସୋଭନ୍ ବେହେରା ଓ ସମ୍ମାନିତ ଅତିଥି ଭାବରେ ଶ୍ରୀ କୈଲାସ ଚନ୍ଦ୍ର ବାରିକ ମଞ୍ଚାସିନ ଥିଲେ | ନିର୍ମାଏଲ୍ ସାହିତ୍ୟ ସଂସଦ ର ସଭାପତି ଶ୍ରୀ କାହ୍ନୁଚରଣ ନାଥ ଙ୍କ ସଭାପତିତ୍ୱ ରେ କାର୍ଯକ୍ରମ ଆରମ୍ଭ ହୋଇଥିଲା | ପ୍ରଥମେ ସମସ୍ତେ ଶ୍ରୀ ମେହେର ଙ୍କ ପଟ୍ଟଚିତ୍ର ଉପରେ ମାଲ୍ୟାର୍ପଣକରି ଦୀପ ପ୍ରଜ୍ଜ୍ୱଳନ କରିଥିଲେ ତାପରେ ତାଙ୍କ ସ୍ମ୍ରୁତି ଚାଳନା କରିଥିଲେ | ଶ୍ରୀ ତ୍ରିଲୋଚନ ସାହୁ,ପଦ୍ମନାଭ ନାଥ ସୁରେଶ ଚନ୍ଦ୍ର ନାଥ,ବୁଦ୍ଧଦେବ ବେହେରା,ରାସବିହାରୀ ନାଥlalit ଲଳିତ ମୋହନ ପଧାନ,ଗଜରାଜ ସୋହେଲା ରାଜଲକ୍ଷ୍ମୀ ମିଶ୍ର,ନିରୁପମା ନାଥ ଶ୍ରୀ ମେହେର ,ଙ୍କ ଜୀବନର ବିଭିନ୍ନ ଦିଗ ଉପରେ ଆଲୋକପାତ କରିଥିଲେ। ସୁବ୍ରତ ମିଶ୍ର ଯାନ୍ତ୍ରିକ ସହଯୋଗ କରିଥିଲେ | ଏହି କାର୍ଯ୍ୟକ୍ରମ ରେ ବିଦ୍ୟାଳୟ ର ଛାତ୍ର ଛାତ୍ରୀ ,ଓ ବହୁ ସହିତ୍ୟ ପ୍ରେମୀ ଯୋଗଦେଇ ଥିଲେ।ଶେଷରେ ସଂପାଦକ ପ୍ରଦ୍ୟୁମ୍ନ ବିଶି ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ |
---------------
ହିନ୍ଦୁସ୍ଥାନ ସମାଚାର / ଶୈଳେଶ
