ବଲାଙ୍ଗିର, ୯ ଅଗଷ୍ଟ (ହି.ସ.)-

ବଲାଙ୍ଗିର ସହରର ବରପାଲିପଡା ନିବାସୀ ତଥା ସାମାଜିକ ସଂଗଠକ ନରେନ୍ଦ୍ର କବାଟ (୬୫)ଙ୍କ ଆଜି ପରଲୋକ ହୋଇଯାଇଛି । ଏହି ଖବର ପ୍ରଚାରିତ ହେବା ପରେ ବଲାଙ୍ଗିର ସହରରେ ଶୋକର ଛାୟା ଖେଳିଯାଇଛି ।

ପରିବାର ଲୋକଙ୍କ ସୁତ୍ରରୁ ପ୍ରକାଶ ଯେ, ସେ ଗତ କିଛିଦିନ ହେଲା ଶାରିରିକ ଅସୁସ୍ଥତା ଅନୁଭବ କରିଥିଲେ । ଫଳରେ ପରିବାର ଲୋକେ ବିଶାଖାପାଟଣା ସ୍ଥିତ ଏକ ଘରୋଇ ଡାକ୍ତରଖାନାରେ ଭର୍ତ୍ତି କରି ଚିକିତ୍ସା କରିଥିଲେ । କିନ୍ତୁ ତାଙ୍କ ଅବସ୍ଥା ଆହୁରି ଗୁରୁତର ହୋଇଥିଲା । ଫଳରେ ସେଠାରେ ତାଙ୍କ ପ୍ରାଣବାୟୁ ଉଡି ଯାଇଥିଲା । ଏହି ଖବର ପ୍ରଚାରିତ ହେବା ପରେ ବିଭିନ୍ନ ମହଲରେ ଶୋକର ଛାୟା ଖେଳି ଯାଇଛି । ତାଙ୍କ ମୃତ୍ୟୁ ଶଯ୍ୟା ନିକଟରେ ସ୍ତ୍ରୀ ଆନନ୍ଦିନୀ, ବଡ ପୁଅ ମାନସ, ଅମିତ, ଝିଅ ସଂଗିତା, ଜ୍ୱାଇଁ ଦେବରାଜ ସ୍ୱାଇ ଙ୍କ ସମେତ ପରିଚିତ ବର୍ଗ ଉପସ୍ଥିତ ଥିଲେ । ମୃତ୍ୟୁ ଖବର ପାଇଁ ପୃଥ୍ୱୀରାଜ ଉଚ୍ଚ ବିଦ୍ୟାଳୟର ସହପାଠୀ ବଲାଙ୍ଗିର ସହରର ବିଭିନ୍ନ ସଂଗଠନ ବାର୍ତ୍ତା ଦେଇଥିଲେ । ବଲାଙ୍ଗିର ନାଗରିକ କମିଟି, ବରିଷ୍ଠ ନାଗରିକ କମିଟି, ରେଲ ଉପଭୋକ୍ତା ସଂଘ, ବଲାଙ୍ଗିର ଖଣ୍ଡାୟତ ସମାଜର କୋଷାଧ୍ୟକ, ଦେବାଳୟ ସୁରକ୍ଷା କମିଟି ର ସଂପାଦକ ରେ ବିଭିନ୍ନ ପଦ ପଦବୀରେ ରହିଥିଲେ । ଏହି ସମସ୍ତ ସଂଗଠନରେ କାର୍ଯ୍ୟକର୍ତ୍ତାଙ୍କ ସହ ବଲାଙ୍ଗିରର ଅନେକ ବ୍ୟକ୍ତି ଶବାଧାରରେ ଯୋଗ ଦେଇଥିଲେ ।

ହିନ୍ଦୁସ୍ଥାନ ସମାଚାର / ଗୋପବନ୍ଧୁ