ବଲାଙ୍ଗିର, 10 ସେପ୍ଟେମ୍ବର (ହି.ସ.)

କଣ୍ଟାବାଞ୍ଜି ଥାନା ଧାମନଡଙ୍ଗା ଗାଁ ନିକଟ ମୁଖ୍ୟ ରାସ୍ତାରେ ଟ୍ରକ ଧକ୍କାରେ ଜଣେ ଗୋରୁ ବିକ୍ରେତା ଙ୍କର ମୃତ୍ୟୁ ଘଟିଛି। ମୃତ ବ୍ୟକ୍ତି ଜଣକ ହେଲେ ବଙ୍ଗୋମୁଣ୍ଡା ବ୍ଲକ ଧୁଣ୍ଡିମହୁଲ ଗାଁର ଛବି ତାଣ୍ଡି। କଣ୍ଟାବାଞ୍ଜିରେ ପ୍ରତି ସପ୍ତାହର ବୁଧବାର ଦିନ ଗୋରୁ ବଜାର ବସିଥାଏ । ଗାଁ ଲୋକେ ନିଜ ଗାଈ ବଳଦକୁ ଗୋରୁ ହାଟକୁ ଆଣି ବିକ୍ରି କରିଥାନ୍ତି । ତେଣୁ ଆଜି ସକାଳୁ ମୃତ ଛବି ଦୁଇଟି ବଳଦ ନେଇ ଚାଲି ଚାଲି କଣ୍ଟାବାଞ୍ଜି ବଜାରକୁ ବିକ୍ରି କରିବାକୁ ଆସୁଥିଲେ। ହେଲେ ହଠାତ୍‌ କଣ୍ଟାବାଞ୍ଜିର ଏକ ଟ୍ରକ ତାଙ୍କୁ ଧକ୍କା ଦେଇଥିଲା। ଘଟଣାସ୍ଥଳରେ ହିଁ ଛବି ତାଣ୍ଡିଙ୍କ ମୃତ୍ୟୁ ହୋଇଯାଇଥିଲା । ସାଙ୍ଗରେ ଆସୁଥିବା ଦୁଇଟି ବଳଦ ଗୁରୁତର ଆହତ ହୋଇଛନ୍ତି । ଧକ୍କା ଦେଇ ଟ୍ରକଟି ଫେରାର ମାରୁଥିବା ବେଳେ ଟ୍ରକଟିକୁ କଣ୍ଟାବାଞ୍ଜି ପୋଲିସ କାବୁ କରିଛି । ପୋଲିସ ଟ୍ରକକୁ ଜବତ କରିଥିବା ବେଳେ ଡ୍ରାଇଭରକୁ ଅଟକ ରଖି ତଦନ୍ତ କରୁଥିବା ଜଣାଯାଇଛି । ଲୋକେ କ୍ଷତିପୂରଣ ଦାବି କରୁଥିବା ବେଳେ ଘଟଣାସ୍ଥଳରେ ଏବେ ମୃତଦେହ ପଡିରହିଥିବା ଜଣାପଡିଛି

ହିନ୍ଦୁସ୍ଥାନ ସମାଚାର / ଗୋପବନ୍ଧୁ