କେନ୍ଦୁଝର, 11 ସେପ୍ଟେମ୍ବର (ହି.ସ.) କେନ୍ଦୁଝର ଟାଉନ ପୁଲିସ କୁ ମିଳିଛି ବଡ଼ ସଫଳତା। ବହୁତ କମ୍ ସମୟରେ ବଡ଼ ଚୋରି ଘଟଣାର ତଦନ୍ତ କରି ୩ ଜଣ ଅନ୍ତରଜିଲ୍ଲା ଅପରାଧୀଙ୍କୁ ଗିରଫ କରିବାରେ ସଫଳତା ପାଇଛି।

ଲକ୍ଷ୍ମୀନାରାୟଣପୁର ସାହି, ପୁରୁଣା ବଜାରର ନିର୍ମଳ କୁମାର ଝରାଙ୍କ ଘରୁ ଗତ ୪ତାରିଖ ରାତିରେ ତାଙ୍କ ଘରରୁ ସୁନାର ଗହଣା ଓ ପ୍ରାୟ ୫୦,୦୦୦/- ଟଙ୍କା ଚୋରି ହୋଇଥିଲା। ଏନେଇ କେନ୍ଦୁଝର ଟାଉନ ପିଏସ୍‌ କେସ୍‌ ନମ୍ବର-୬୫୦, ଧାରା- 331(4)/305 BNS କେଶ ରୁଜୁ କରି ତଦନ୍ତ କାଳରେ ପୁଲିସ୍ ସ୍ଥଳ ପରିଦର୍ଶନ କରି DFSL ଟିମ୍‌ଙ୍କ ସହିତ ଅନ-ଦ-ସ୍ପଟ ଇନ୍ସପେକ୍ସନ୍ କରିଥିଲେ, ସାକ୍ଷୀଙ୍କୁ ପରୀକ୍ଷା କରିଥିଲେ, CCTV ଫୁଟେଜ୍‌ ସଂଗ୍ରହ କରି ଖୋଜଖବର କରାଗଲା। ପ୍ରାପ୍ତ ପ୍ରାଥମିକ ସୂଚନା ଓ ଫୁଟେଜ୍‌ରୁ ଜାଣିଥିଲାଯ ଜେ OD-02-CM-3339 ନମ୍ବରର ଲାଲ ରଙ୍ଗର ମାରୁତି ବ୍ରେଜା କାର ଓ ୪ ଜଣ ବ୍ୟକ୍ତି ଏହି ଘଟଣାରେ ଜଡ଼ିତ।

ଗୁପ୍ତ ସୂଚନା ଓ ଟେକ୍ନିକାଲ୍ ସରଭେଲାନ୍ସ ଉପରେ କାର୍ଯ୍ୟ କରି ପୁଲିସ୍ ଗୋପାଳ @ ଆଦିତ୍ୟ @ ବ୍ରଜଗୋପାଳ ଦାସ , ଶେଖ ରାଜା @ ନୂରୁଦ୍ଦିନ୍ ମଲ୍ଲିକ, ଜଗା @ ଅଜୟ ଜେନାଙ୍କୁ ଗିରଫ କରିବାରେ ସଫଳ ହୋଇଥିଲେ । ତାଙ୍କ ଠାରୁ

ଚୋରି ହୋଇଥିବା ସୁନା ଓ ଚାଁଦିର ଗହଣା ଲାଲ ରଙ୍ଗର ମାରୁତି ବ୍ରିଜା କାର ଏକ ଏୟାର୍‌ଗନ୍ ପିଷ୍ଟଲ୍ ୨ଟି ବଡ଼ ଲକ୍ କାଟିବା ମେସିନ୍ ୨ଟି ବଡ଼ ଲୋହା ଲୋହାରୀ ୧ଟି ଅକ୍ସିଜେନ୍ ସିଲିଣ୍ଡର ଓ କଟିଂ ଇନ୍ସ୍ଟ୍ରୁମେଣ୍ଟ ୧ଟି DVR ମେସିନ୍ ଓ ୩ଟି CCTV କ୍ୟାମେରା ଅନ୍ୟାନ୍ୟ ଅପରାଧୀୟ ସାମଗ୍ରୀ ଜବତ କରିଛି।

ଅନ୍ୟ ଜଣ ସହଭାଗୀ ସଞ୍ଜୟ ଗିରି ଖସିତ ପଳାଇଥିବା ଜଣାପଡିଛି। ପ୍ରାରମ୍ଭିକ ତଥ୍ୟରୁ ଜଣାପଡ଼ିଛି ଯେ ଗିରଫ ହୋଇଥିବା ଅଭିଯୁକ୍ତମାନେ ପୂର୍ବରୁ ବାଲେଶ୍ୱର ଓ କେନ୍ଦୁଝର ଜିଲ୍ଲାର ବିଭିନ୍ନ ଗୁରୁତର ଅପରାଧରେ ଜଡ଼ିତ ଥିଲେ। ଆଜି ସେମାନଙ୍କୁ SDJM, କେନ୍ଦୁଝରଙ୍କ ଆଦାଲତକୁ ପଠାଇଟଥିବା ଜଣାପଡିଛି।

ହିନ୍ଦୁସ୍ଥାନ ସମାଚାର / SANTOSH KUMAR MOHAPATRA