ଭୁବନେଶ୍ୱର,୧୧ ସେପ୍ଟେମ୍ବର(ହି.ସ.) - ଭାରତ ନିର୍ବାଚନ ଆୟୋଗ ମୁଖ୍ୟ ନିର୍ବାଚନ ଅଧିକାରୀ (ସିଇଓ) କାର୍ଯ୍ୟାଳୟର ଗଣମାଧ୍ୟମ ଏବଂ ଯୋଗାଯୋଗ ଅଧିକାରୀଙ୍କ ପାଇଁ ଆସନ୍ତାକାଲି ଏକ ଦିବସୀୟ କର୍ମଶାଳା ଆୟୋଜନ କରିବେ । ୩୬ଟି ରାଜ୍ୟ/କେନ୍ଦ୍ରଶାସିତ ଅଂଚଳର, ମୁଖ୍ୟ ନିର୍ବାଚନ ଅଧିକାରୀ (ସିଇଓ) କାର୍ଯ୍ୟାଳୟର ମିଡିଆ ନୋଡାଲ୍ ଅଧିକାରୀ (ଏମଏନଓ) ଏବଂ ସୋସିଆଲ ମିଡିଆ ନୋଡାଲ୍ ଅଧିକାରୀ (ଏସଏମଏନଓ)ଙ୍କ ପାଇଁ ଏକ ଦିନିକିଆ କର୍ମଶାଳା ସେପ୍ଟେମ୍ବର ୧୨ ରେ ନୂଆଦିଲ୍ଲୀରେ ଅନୁଷ୍ଠିତ ହେବ। ମୁଖ୍ୟ ନିର୍ବାଚନ କମିଶନର ଜ୍ଞାନେଶ କୁମାର, ନିର୍ବାଚନ କମିଶନର ଡକ୍ଟର ସୁଖବୀର ସିଂହ ସାନ୍ଧୁ ଏବଂ ଡକ୍ଟର ବିବେକ ଯୋଶୀଙ୍କ ଉପସ୍ଥିତିରେ ଏହି କର୍ମଶାଳାକୁ ସେ ଉଦଘାଟନ କରିବେ ।
ସମ୍ବିଧାନର ନୀତିନିୟମ ଅନୁପାଳନ ପୂର୍ବକ ଭାରତରେ ନିର୍ବାଚନ କରାଯିବା । ସମୟୋଚିତ ଏବଂ ସମନ୍ୱିତ ଭାବରେ ଆଇନଗତ, ତଥ୍ୟଭିତିକ ଏବଂ ନିୟମଭିତ୍ତିକ ସୂଚନା ପ୍ରଦାନ କରିବା ଉପରେ ଏହି କର୍ମଶାଳାରେ ଗୁରୁତ୍ୱାରୋପ କରାଯିବ । ନିର୍ବାଚନ ପ୍ରକ୍ରିୟା ସମ୍ପର୍କରେ ଜନସାଧାରଣଙ୍କୁ ଭ୍ରମିତ କରିବା ପାଇଁ ସମ୍ପ୍ରତି ମିଥ୍ୟା ସୂଚନା ବୃଦ୍ଧି ପାଇଥିବାରୁ, ଏହି କର୍ମଶାଳା ମାଧ୍ୟମରେ ରାଜ୍ୟ/କେନ୍ଦ୍ରଶାସିତ ଅଂଚଳର ସିଇଓଙ୍କ କାର୍ଯ୍ୟାଳୟର ଯୋଗାଯୋଗ ଇକୋସିଷ୍ଟମକୁ ତଥ୍ୟ-ଭିତିକ ପ୍ରତିକ୍ରିୟା ସହିତ ଭ୍ରମିତ ସୂଚନାର ମୁକାବିଲା କରିବା ପ୍ରସ୍ତୁତ କରିବା ପାଇଁ ମଧ୍ୟ ଲକ୍ଷ୍ୟ ରଖାଯାଇଛି ।
କର୍ମଶାଳା ପୂର୍ବରୁ ୯ ଏପ୍ରିଲ ଏବଂ ୫ ଜୁନ ରେ ନୂଆଦିଲ୍ଲୀରେ ଅନୁଷ୍ଠିତ ହୋଇଥିବା ଦୁଇଟି ଓରିଏେଂଟସନ୍ କାର୍ଯ୍ୟକ୍ରମରୁ ଶିକ୍ଷାକୁ ଆଧାର କରି ଭୋଟର ଏବଂ ଅନ୍ୟ ଅଂଶୀଦାରମାନେ ସମୟୋଚିତ, ଯାଞ୍ଚ ଏବଂ ପ୍ରାମାଣିକ ସୂଚନା ପାଇବା ଏବଂ ମିଥ୍ୟା ସୂଚନା ଦ୍ୱାରା ଭ୍ରମିତ ନ ହେବା ସୁନିଶ୍ଚିତ କରିବା ପାଇଁ ଭବିଷ୍ୟତ ରଣନୀତି ମଧ୍ୟ ପ୍ରସ୍ତୁତ କରାଯାଇଛି ।
---------------
ହିନ୍ଦୁସ୍ଥାନ ସମାଚାର / ବନ୍ଦନା
