ଭୁବନେଶ୍ୱର,୧୧ ସେପ୍ଟେମ୍ବର(ହି.ସ.) - ରାଷ୍ଟ୍ରୀୟ ଲୋକଅଦାଲତ ଆସନ୍ତା ୧୩ ତାରିଖରେ ଆୟୋଜିତ ହେଉଛି । ଏହି ପରିପ୍ରେକ୍ଷୀରେ ପ୍ରାକ୍ ବୁଝାମଣା ଶିବିର ଆଜି ଅନୁଷ୍ଠିତ ହୋଇଛି । ଜାତୀୟ ଲୋକଅଦାଲତର ଅବ୍ୟବହିତ ପୂର୍ବରୁ ଭୁବନେଶ୍ୱରଠାରେ ଗାଡ଼ିମୋଟର ଦୁର୍ଘଟଣାଜନିତ ମାମଲାର ଆଗୁଆ ଫଇସଲା କରାଯାଇଛି । ଜିଲ୍ଲା ଓ ଦୌରାଜଜ୍ ବିରଞ୍ଚି ନାରାୟଣ ମହାନ୍ତି, ଅତିରିକ୍ତ ଜିଲ୍ଲା ଜଜ୍ ହିମାଂଶୁ ଶେଖର ମଲ୍ଲିକ, ବନ୍ଦନା କର, ଶୁଭଞ୍ଜନ ମହାନ୍ତି ଓ ରାଜ କିଶୋର ଲେଙ୍କା ପ୍ରମୁଖ ଜିଲ୍ଲା ଅଦାଲତ ପରିସରସ୍ଥ ବିକଳ୍ପ ସମାଧାନ କେନ୍ଦ୍ର ଭୁବନେଶ୍ୱରଠାରେ ଯୋଗଦେଇ ଉପସ୍ଥିତ ବୀମା ଅଧିକାରୀ, ଆଇନଜୀବୀ ଏବଂ ହିତାଧିକାରୀମାନଙ୍କ ସାଙ୍ଗରେ ବୁଝାମଣା କରାଇ ଅନେକ ମାମଲାର ଫଇସଲା କରାଇଥିଲେ ।

---------------

ହିନ୍ଦୁସ୍ଥାନ ସମାଚାର / ବନ୍ଦନା