ଭୁବନେଶ୍ୱର, 20 ସେପ୍ଚେମ୍ବର (ହି.ସ.)
ଲଗାତାର ଦ୍ୱିତୀୟ ଦିନ ମଧ୍ୟ
ଚାଲିପାରିଲା ନାହିଁ ପ୍ରଶ୍ନକାଳ ଓ ଶୂନ୍ୟକାଳ
ଅପରାହ୍ନ 4ଟା ଯାଏ ଗୃହ ମୁଲତବୀ
। ଆଜି ବିଧାନସଭାର
ମୌସୁମୀ ଅଧିବେଶନର ତୃତୀୟ ଦିନରେ ଚାଷୀ ସମସ୍ୟା
ଓ ସାର ଅଭାବ ପ୍ରସଙ୍ଗକୁ ବିଜେଡି ବିଧାୟକ ମାନେ ପୁଣି ଥରେ ନାରାବାଜୀ ଓ ହଟ୍ଟଗୋଳ କରିଛନ୍ତି ।
ଶୁକ୍ରବାର ଦିନ ଏହି ସମାନ ପ୍ରସଙ୍ଗରେ ବିଜେଡି ବିଧାୟକ ମାନେ ହଟ୍ଟଗୋଳ କରିଥିବାରୁ ଗୃହରେ କୌଣସି କାମ ହୋଇ ପାରି ନ ଥିଲା । ଏହି କାରଣରୁ
ଆଜି ମଧ୍ୟ ଲଗାତାର ଦୁଇ ଦିନ ଧରି ପ୍ରଥମାର୍ଧ ବୈଠକ ହୋଇ ପାରି ନ ଥିଲା । ହଟ୍ଟଗୋଳ କାରଣରୁ ବାଚସ୍ପତି ସୁରମା ପାଢୀ ଗୃହକୁ
ଅପରାହ୍ନ 4ଟା ଯାଏ ମୁଲତବୀ ଘୋଷଣା କରିଥିଲେ । ଏହି କାରଣରୁ ଆଜି ପ୍ରଶ୍ନକାଳ, ଶୂନ୍ୟ କାଳ ଓ ଅନ୍ୟ ନିର୍ଧାରିତ କାର୍ଯ୍ୟକ୍ରମ ହୋଇ ପାରି ନ ଥିଲା ।
10.30
ମିନିଟରେ ଗୃହ କାର୍ଯ୍ୟ ଆରମ୍ଭ ହୋଇଥିଲା । ପ୍ରଥମେ
ଗୃହରେ ଜର୍ଜ ତିର୍କୀଙ୍କ ବିୟୋଗରେ ଶୋକ
ପ୍ରସ୍ତାବ ଉପରେ ଆଲୋଚନା ହୋଇ ପ୍ରସ୍ତାବ ପାରିତ ହୋଇଥିଲା । ଏହା ପରେ ବିଧାନସଭା ବାଚସ୍ପତି
ସୁରମା ପାଢୀ ପ୍ରଶ୍ନକାଳ କାର୍ଯ୍ୟକ୍ରମ ଆରମ୍ଭ
କରିଥିଲେ । ସେ ଏକ ପ୍ରଶ୍ନର ଉତର ଦେବାକୁ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନଙ୍କୁ ଡାକିଥିଲେ ।
ମନ୍ତ୍ରୀ ଶ୍ରୀ ହରିଚନ୍ଦନ ମଧ୍.ୟ ତାଙ୍କ ଉତ୍ତର ପଢିବା ଆରମ୍ଭ କରିଥିଲେ । ତେବେ
ବିରୋଧୀ ଦଳ ବିଜେଡିର ବିଧାୟକ ମାନେ ଚାଷୀ ସମସ୍ୟା ଓ ସାର ଅଭାବ ପ୍ରସଙ୍ଗକୁ ନେଇ
ହଟ୍ଟଗୋଳ ଆରମ୍ଭ କରି ଦେଇଥିଲେ । ସେମାନେ ହାତରେ ବ୍ୟାନର, ପ୍ଲାକାର୍ଡ ମାନ
ଧରି ବିଜେପି ସରକାର ବିରୁଦ୍ଧରେ ନାରାବାଜୀ କରିବା ସହ ଗୃହର ମଧ୍ୟ ଭାଗକୁ ଚାଲି ଆସିଥିଲେ ।
ବିଜେଡି ବିଧାୟକ ମାନେ ଚାଷୀ ବିରୋଧୀ ସରକାର ଚଳିବ ନାହିଁ, ଚାଷୀଙ୍କ ସାରର
କଳାବଜାରୀ ହେଉଥିବା କଥାକୁ ନେଇ ବିଭିନ୍ନ ସ୍ଲୋଗାନ ମାନ ଦେଇଥିଲେ । ସେହି ସମୟରେ ଅନ୍ୟତମ
ବିରୋଧୀ କଂଗ୍ରେସ ଦଳର ବିଧାୟକ ମାନେ ସେମାନଙ୍କ ଆସନରେ ଠିଆ ହୋଇ ନାରାବାଜୀ କରୁଥିବା ଦେଖିବାକୁ
ମିଳିଥିଲା । ମନ୍ତ୍ରୀ ଶ୍ରୀ ହରିଚନ୍ଦନ ଉତ୍ତର
ଦେଉଥିଲେ ହେଁ ବିରୋଧୀ ବିଧାୟକ ମାନଙ୍କର ହଟ୍ଟଗୋଳ କାରଣରୁ ତାଙ୍କର ଉତ୍ତର ପ୍ରେସ ଗ୍ୟାଲେରୀକୁ
ସ୍ପଷ୍ ହୋଇ ପାରୁ ନ ଥିଲା । ବାଚସ୍ପତି ସୁରମା ପାଢୀ ହଟ୍ଟଗୋଳ କରୁଥିବା ବିଧାୟକ ମାନଙ୍କୁ
ବାରମ୍ବାର ସେମାନଙ୍କ ଆସନକୁ ଯିବାକୁ କହିବା ସହ ପ୍ରଶ୍ନକାଳ କାର୍ଯକ୍ରମ ଚଳାଇବାକୁ ସହଯୋଗ
କରିବାକୁ ଅନୁରୋଧ କରିବାକୁ ଦେଖିବାକୁ ମିଳିଥିଲା । ବାଚସ୍ପତିଙ୍କ ବାରମ୍ବାର ଅନୁରୋଧ ସତ୍ୱେ
ବିରୋଧୀ ବିଜେଡି ବିଧାୟକ ମାନେ ତାଙ୍କର କଥା ଶୁଣି ନ ଥିଲେ୍ ଓ ସେମାନେ ହଟ୍ଟଗୋଳ ଜାରୀ ରଖିଥିଲେ
। ଏହା ଫଳରେ ବାଚସ୍ପତି ସୁରମା ପାଢୀ ସକାଳ 10.43ରୁ ଗୃହକୁ ଅପରାହ୍ନ 4ଟା ଯାଏ ମୁଲତବୀ
ରହିଲା ବୋଲି ଘୋଷଣା କରିଥିଲେ । । ଏହି କାରଣରୁ ଆଜି ପ୍ରଶ୍ନକାଳ, ଶୂନ୍ୟ କାଳ ଓ ଅନ୍ୟ ନିର୍ଧାରିତ କାର୍ଯ୍ୟକ୍ରମ ହୋଇ ପାରି ନ ଥିଲା ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
