ନୂଆଦିଲ୍ଲୀ, ୨୦ ଜାନୁଆରି (ହି.ସ.) - କେନ୍ଦ୍ର ଉତର-ପୂର୍ବ କ୍ଷେତ୍ରର ଯୋଗାଯୋଗ ଏବଂ ବିକାଶ ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ ମଙ୍ଗଳବାର ଦିନ ବିଜ୍ଞାନ ଭବନରେ ଅନୁଷ୍ଠିତ ତ୍ରୈମାସିକ-୩ ସମୀକ୍ଷା ଏବଂ ରଣନୀତି ବୈଠକରେ ଭାରତ ସଂଚାର ନିଗମ ଲିମିଟେଡ଼ (ବିଏସଏନଏଲ) ର ଦର୍ଶନ ଏବଂ ସେବା ଗୁଣବତା ପାରାମିଟରଗୁଡ଼ିକର ଏକ ବିସ୍ତୃତ ସମୀକ୍ଷା କରିଥିଲେ ।
କେନ୍ଦ୍ର ଯୋଗାଯୋଗ ମନ୍ତ୍ରଣାଳୟ ଅନୁଯାୟୀ ବୈଠକରେ ସିନ୍ଧିଆ ମୋବାଇଲ ଗ୍ରାହକ ସଂଖ୍ୟା ବୃଦ୍ଧି, ପ୍ରତି ଉପଭୋକ୍ତା ହାରାହାରି ରାଜସ୍ୱ (ଏଆରପିୟୁ) ରେ ଉନ୍ନତି ଏବଂ ରାଜସ୍ୱ ଲକ୍ଷ୍ୟ ହାସଲ ଉପରେ ଗୁରୁତ୍ୱାରୋପ କରିଥିଲେ । ସେ କହିଛନ୍ତି ଯେ, କିଛି ସର୍କଲରେ ମୋବାଇଲ ଗ୍ରାହକଙ୍କ ସଂଖ୍ୟାରେ ଉଲ୍ଲେଖନୀୟ ବୃଦ୍ଧି ଘଟିଛି, ଯେତେବେଳେ ଅନ୍ୟ ସର୍କଲରେ ଉନ୍ନତିର ଆବଶ୍ୟକତା ରହିଛି । ଏଆରପିୟୁ ତ୍ରୈମାସିକ ଭାବରେ ଉନ୍ନତ ହୋଇଛି, କିନ୍ତୁ ଯେଉଁ ସର୍କଲରେ ଏଆରପିୟୁ ସ୍ଥିର ଅଛି ସେମାନଙ୍କୁ ଏହାକୁ ବୃଦ୍ଧି କରିବା ପାଇଁ ପଦକ୍ଷେପ ନେବାକୁ ପଡ଼ିବ । ଏଥିପାଇଁ ଉନ୍ନତ ସେବା, ଗ୍ରାହକ ସଂରକ୍ଷଣ ରଣନୀତି ଏବଂ ମୂଲ୍ୟଯୁକ୍ତ ସେବା ଉପରେ ଧ୍ୟାନ ଦେବା ଆବଶ୍ୟକ ।
ହିନ୍ଦୁସ୍ଥାନ ସମାଚାର / ଭାନୁ ଚରଣ
