ପୁରୀ, ୨୦ ଜାନୁଆରି (ହି.ସ.) - ପୁରୀ କୋର୍ଟ ବାଲୁଖଣ୍ଡ ଅଭୟାରଣ୍ୟ ମଧୁରଜଳ ଅଂଚଳକୁ ସ୍ଥାନାନ୍ତର ପ୍ରତିବାଦରେ ପୁରୀ ଓକିଲ ସଂଘ ର ସତ୍ୟାଗ୍ରହ ୩୨୫ ଦିନରେ ପହଂଚିଛି । ସରକାର କିମ୍ବା ବିଚାର ବିଭାଗ କୌଣସି ଆଲୋଚନା କରୁନାହାନ୍ତି । ମୁଖ୍ୟମନ୍ତ୍ରୀଙ୍କ ଠାରୁ ଜିଲ୍ଲାପାଳ ପର୍ଯ୍ୟନ୍ତ ସମସ୍ତ ଅଧିକାରୀଙ୍କୁ ସ୍ମାରକପତ୍ର ପ୍ରଦାନ କରାଯାଇଛି । ଓଡ଼ିଶା ହାଇକୋର୍ଟର ମୁଖ୍ୟବିଚାର ପତିଙ୍କୁ ଏ ସମ୍ପର୍କରେ ସ୍ମାରକ ପତ୍ର ଦିଆଯାଇଛି। ଗଞ୍ଜାମ,ଭୁବନେଶ୍ୱର, ହାଇକୋର୍ଟ ସେହି ସ୍ଥାନରେ କମ୍ପେ୍ଲକ୍ସ ନିର୍ମାଣ କରାଯାଇଛି । ସେହିପରି ପୁରୀ କୋର୍ଟ କମ୍ପେ୍ଲକ୍ସ ମଧ୍ୟ ଡିଆରଡିଏ, ତହସିଲ ଓ ଉପଜିଲ୍ଲାପାଳଙ୍କ ଅଫିସ ମିଶାଇଦେଲେ ହୋଇପାରିବ । ବାଲୁଖଣ୍ଡ ଅଭୟାରଣ୍ୟ ମଧୁର ଜଳ ଅଂଚଳରେ ପିକେଡିଏ ଓ ପୁରୀ ମ୍ୟୁନିସିପାଲଟି ପ୍ଲାନ ଅନୁମୋଦନ ନଥାଇ କିପରି ନିର୍ମାଣ କାର୍ଯ୍ୟ କରାଯାଉଛି ତାକୁ ନେଇ ଓକିଲ ସଂଘ ମଙ୍ଗଳବାର ମଧ୍ୟାହ୍ନରେ ପିକେଡିଏ ଅଫିସ ଘେରାଉ କରିଥିଲା । ଗତ ୯ ତାରିଖ ଦିନ ଜିଲ୍ଲାପାଳ, ପିକେଡିଏ, ଡିଏଫଓ ଓ ପୁରୀ ମ୍ୟୁନିସିପାଲଟିକୁ ପୁରୀ ଓକିଲ ସଂଘ ଚିଠି ଲେଖିଥିଲା । କୌଣସି ପଦକ୍ଷେପ ନନେବାରୁ ଓକିଲ ସଂଘ ଆଜି ପିକେଡିଏ ଅଫିସ ଘେରାଉ କରିଥିଲା । ଏଥିରେ ସଭାପତି ପ୍ରେମାନନ୍ଦ ମହାନ୍ତି, ସାଧାରଣ ସମ୍ପାଦକ ଶରତ କୁମାର ରାୟଗୁରୁ, ଉପସଭାପତି ବିଭୁଦତ ପଟ୍ଟନାୟକ, ସୋମନାଥ ଦାସ, କର୍ଣ୍ଣବୀର ମହାପାତ୍ର,ଭାଗବତ ପ୍ରସାଦ ପଟ୍ଟନାୟକ, ସାରଦା ସାମଲ, ପୁଲିନ ବିହାରୀ ଆଚାର୍ଯ୍ୟ, ଶୁଭେନ୍ଦୁ ଦାଶ, ସମିର ଘୋଷ, ଜ୍ୟୋତି ପ୍ରକାଶ ମହାନ୍ତି, ତାପସ ବଳିଆରସିଂ,ବୈଦ୍ୟନାଥ ପାଣି, ସୁକାନ୍ତ ପ୍ରଧାନ,ବିଶ୍ୱ କେଶନ୍ ହରିଚନ୍ଦନ ମହାପାତ୍ର। ରମେଶ ଚନ୍ଦ୍ର ପ୍ରଧାନ, ଜୟ ନାରାୟଣ ପଟ୍ଟନାୟକ, ପ୍ରଦୀପ ରଥ, ପ୍ରଭାସିନୀ ପଳେଇ, ଅରୁନ୍ଧତୀ ବେହେରା ଙ୍କ ସମେତ ଶତାଧିକ ଓକିଲ ଘେରାଉରେ ସାମିଲ ହୋଇଥିଲେ । ପିକେଡିଏ ଟାଉନ ପ୍ଲାନରଙ୍କୁ ତିନି ଦିନ ସମୟ ଦେଇଛି ଓକିଲ ସଂଘ । ନହେଲେ ଆସନ୍ତା ଦିନରେ ଜିଲ୍ଲାର ସମସ୍ତ ଅଫିସ କଚେରୀ ବନ୍ଦ କରିବାକୁ ସଙ୍ଗ ବାଧ୍ୟ ହେବ। ଲୋକେ ସମ୍ବିଧାନ ର ଆର୍ଟିକିଲ ୫୧କ ଧାରା ମତେ ମଧୁର ଜଳ ଅଂଚଳକୁ ସୁରକ୍ଷା ପାଇଁ ସ୍ୱର ଉଠାଇବାକୁ ସଂଘ ଅନୁରୋଧ କରିଛନ୍ତି ।

ହିନ୍ଦୁସ୍ଥାନ ସମାଚାର / ବିଜୟ