ନୂଆଦିଲ୍ଲୀ, ଅକ୍ଟୋବର ୨୬ (ହି.ସ.)- ବଙ୍ଗୋପସାଗରରେ ସୃଷ୍ଟ ଅର୍ଣ୍ଣବ' ଘୂର୍ଣ୍ଣିବାତ୍ୟା ଅକ୍ଟୋବର ୨୮ରେ ଅତି ଭୟଙ୍କର ଘୂର୍ଣ୍ଣିବାତ୍ୟା ଭାବେ ଆନ୍ଧ୍ର ପ୍ରଦେଶ ଉପକୂଳକୁ ଛୁଇଁବ ବୋଲି ଆଶଙ୍କା ଥିବାରୁ କେନ୍ଦ୍ର ସରକାର ସୋମବାର ଦିନ ପ୍ରସ୍ତୁତିର ସମୀକ୍ଷା କରିବା ସହ ପ୍ରଭାବିତ ରାଜ୍ୟଗୁଡ଼ିକୁ ସର୍ବନିମ୍ନ ଜୀବନହାନି ପାଇଁ ନିର୍ଦ୍ଦେଶ ଦେଇଛନ୍ତି।

କ୍ୟାବିନେଟ ସଚିବ ଟି. ଭି. ସୋମନାଥନଙ୍କ ଅଧ୍ୟକ୍ଷତାରେ ଅନୁଷ୍ଠିତ ଜାତୀୟ ସଙ୍କଟ ପରିଚାଳନା କମିଟି (ଏନ. ସି. ଏମ. ସି.) ର ବୈଠକରେ ବାତ୍ୟା ମୁକାବିଲା ପାଇଁ କେନ୍ଦ୍ର ଏବଂ ରାଜ୍ୟ ସରକାରଙ୍କ ପ୍ରସ୍ତୁତିର ସମୀକ୍ଷା କରାଯାଇଥିଲା। ସେ ଅଧିକାରୀମାନଙ୍କୁ କହିଥିଲେ ଯେ ପ୍ରାଥମିକ ଉଦ୍ଦେଶ୍ୟ ଏହା ସୁନିଶ୍ଚିତ କରିବା ଉଚିତ ଯେ ଯେପରି କୌଣସି ଜୀବନହାନି ନହୁଏ ଏବଂ ସମ୍ପତି ତଥା ଭିତିଭୂମିର କ୍ଷୟକ୍ଷତି ସର୍ବନିମ୍ନ ସ୍ତରରେ ରହେ। କୌଣସି କ୍ଷୟକ୍ଷତି ହେଲେ ଯଥାଶୀଘ୍ର ଅତ୍ୟାବଶ୍ୟକ ସେବାଗୁଡ଼ିକୁ ପୁନଃସ୍ଥାପିତ କରିବାକୁ ମଧ୍ୟ ସେ ନିର୍ଦ୍ଦେଶ ଦେଇଛନ୍ତି।

ଭାରତୀୟ ପାଣିପାଗ ବିଭାଗ (ଆଇଏମଡି) ର ମହାନିର୍ଦ୍ଦେଶକ ବୈଠକରେ ସୂଚନା ଦେଇଛନ୍ତି ଯେ ପୂର୍ବ-କେନ୍ଦ୍ରୀୟ ଏବଂ ସଂଲଗ୍ନ ଦକ୍ଷିଣ-ପୂର୍ବ ବଙ୍ଗୋପସାଗର ଉପରେ ଗଭୀର ଅବପାତ ପଶ୍ଚିମ ଦିଗକୁ ଗତି କରିଛି ଏବଂ ଏକ ଘୂର୍ଣ୍ଣିବଳୟ ଝଡ଼ ଅର୍ଣ୍ଣବ' ରେ ପରିଣତ ହୋଇଛି। ସୋମବାର ସକାଳେ ଏହି ଝଡ଼ ପୂର୍ବ-କେନ୍ଦ୍ରୀୟ ଏବଂ ସଂଲଗ୍ନ ପଶ୍ଚିମ-କେନ୍ଦ୍ରୀୟ ବଙ୍ଗୋପସାଗର ଉପରେ କେନ୍ଦ୍ରୀଭୂତ ହୋଇଥିଲା।

ହିନ୍ଦୁସ୍ଥାନ ସମାଚାର / ଭାନୁ ଚରଣ