ବଲାଙ୍ଗୀର, ୦୯ ଅକ୍ଟୋବର(ହି.ସ.) – ସପ୍ତାହ ବ୍ୟାପି ଚାଲିଥିବା ୭୨ତମ ବନ୍ୟପ୍ରାଣ ସପ୍ତାହ ୨୦୨୬ ଆଜି ସ୍ଥାନୀୟ ସମ୍ମିଳନୀ କକ୍ଷ ବଲାଙ୍ଗୀର ବନଖଣ୍ଡ ଠାରେ ସମାପିତ କରାଯାଇଅଛି। ଏହି ଉତ୍ସବରେ ଶ୍ରୀଯୁକ୍ତ ଗୌରଭଶିବାଜୀ ଇସଲୱାର, ଜିଲ୍ଲାପାଳ ବଲାଙ୍ଗୀର ମୁଖ୍ୟଅତିଥି ଭାବେ ଯୋଗଦେଇ ବନ୍ୟପ୍ରାଣୀମାନଙ୍କର ସୁରକ୍ଷା, ସଂରକ୍ଷଣ ଓ ଜୈବବିବିଧତାରେ ସେମାନଙ୍କର ଉପାଦେୟତା ଉପରେ ଆଲୋକପାତ କରିଥିଲେ। ଶ୍ରୀ ଅଜିତ ବିଶି, ବଲାଙ୍ଗୀର ବନଖଣ୍ଡ ଅଧିକାରୀ ଉପସ୍ଥିତ ଜନସାଧାରଣଙ୍କୁ ବନ୍ୟପ୍ରାଣୀ ସୁରକ୍ଷା ଓ ସଂରକ୍ଷଣ ପାଇଁ ସହଭାଗିତାର ଦାୟିତ୍ୱ ନେବାକୁ ଅନୁରୋଧ କରିଥିଲେ। ଏହି ଉତ୍ସବରେ ଅନ୍ୟାନ୍ୟ ଅତିଥି ଭାବେ ଶ୍ରୀମତୀ ବବିତା ସିଂ, ଆଂଚଳିକ ଅର୍ଦ୍ଧକାରୀ, ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ, ବଲାଙ୍ଗୀର, ଶ୍ରୀ ଶୁଭେନ୍ଦୁ ପ୍ରସାଦ ବେହେରା, ଦନଖଣ୍ଡ ଅଧିକାରୀ(କେନ୍ଦୁପତ୍ର), ବଲାଙ୍ଗୀର ଓ ଶ୍ରୀ ଅଭିନ୍ଦମ ପରିଚ୍ଛା, ଅଧ୍ୟାପକ, ପ୍ରାଣୀ ବିଜ୍ଞାନ, ଜେଆଇଟିଏମ୍, ବଲାଙ୍ଗୀର ଓ ବନ୍ୟପ୍ରାଣୀ ସଂରକ୍ଷକ କର୍ମୀ, ବଲାଙ୍ଗୀର ଯୋଗଦାନ କରି ତାଙ୍କର ଅଭିବ୍ୟକ୍ତି ଜନସାଧାରଣଙ୍କୁ ପ୍ରଦାନ କରିଥିଲେ। ଏହି ଉପଲକ୍ଷେ ଆୟୋଜିତ ହୋଇଥିବା ବିଭିନ୍ନ ପ୍ରତିଯୋଗିତ ଯଥା- ଚିତ୍ରାଙ୍କନ, ପୁସ୍ତକ ପଠନ, ସାଧାରଣ ଜ୍ଞାନ ପରୀକ୍ଷା ଏବଂ ମାରାଥନ ଦୌଡ଼ ପ୍ରତିଯୋଗୀତାରେ କୃତକାର୍ଯ୍ୟ ହୋଇଥିବା ପ୍ରତିଯୋଗୀଙ୍କୁ ପୁରସ୍କାର ପ୍ରଦାନ କରାଯାଇଥିଲା। ବନ୍ୟପ୍ରାଣୀ ସଂରକ୍ଷଣରେ ଅସାଧାରଣ ଦାୟିତ୍ୱ ତୁଲାଭବା ବନ କର୍ମଚାରୀ ଓ ସ୍ୱାର୍ଡ ମେଘରମାନଙ୍କୁ ଉତ୍ସାହିତ କରିବା ପାଇଁ ମାନପତ୍ର ସହିତ ପୁରସ୍କୃତ କରାଯାଇଥିଲା। ଏହି କାର୍ଯ୍ୟକ୍ରମକୁ ଶ୍ରୀ ନବୀନ କୁମାର ପଣ୍ଡା, ବନାଂଚଳ ଅଧିକାରୀ, ବଲାଙ୍ଗୀର, ଶ୍ରୀ ଚିନ୍ମୟ ପ୍ରଧାନ ଓ ଶ୍ରୀ ଅର୍ଜୁନ ସାହୁ ପରିଚାଳନା କରିଥିଲେ।

.......................................

ହିନ୍ଦୁସ୍ଥାନ ସମାଚାର / ଗୋପବନ୍ଧୁ