ଭୁବନେଶ୍ୱର, 09 ଅକ୍ଟୋବର (ହି.ସ.)- ଉତ୍କଳମଣି

ଗୋପବନ୍ଧୁ ଦାସଙ୍କ ୧୪୯ତମ ଜୟନ୍ତୀ ପାଳିତ। ଗୋପବନ୍ଧୁ ଛକ ସ୍ଥିତ ପ୍ରତିମୂର୍ତ୍ତି ରେ

ପୁଷ୍ପମାଲ୍ୟ ଅର୍ପଣ କରିଛନ୍ତି ବିଜେପି ରାଜ୍ୟ ସଭାପତି ମନମୋହନ ସାମଲ। ଉତ୍କଳମଣି ପଣ୍ଡିତ

ଗୋପବନ୍ଧୁ ଦାସଙ୍କ ଜନ୍ମଜୟନ୍ତୀରେ ସ୍ମରଣ କରାଯାଇଛି ତାଙ୍କର ତ୍ୟାଗ, ନିଃସ୍ୱାର୍ଥପର ସେବା ଓ ସମର୍ପଣର ମହାନ ଆଦର୍ଶ।

ବନ୍ୟା, ବାତ୍ୟା ଓ ମରୁଡ଼ି ଭଳି ବିପର୍ଯ୍ୟୟ ସମୟରେ ସେ ସବୁବେଳେ

ସାଧାରଣ ଲୋକଙ୍କ ପାଖରେ ଛିଡ଼ା ହେଉଥିଲେ।ସାମ୍ବାଦିକତା ଓ ଖବରକାଗଜ ମାଧ୍ୟମରେ ଜନଜାଗରଣ ସୃଷ୍ଟି

କରିବା ସହ ସ୍ୱତନ୍ତ୍ର ଓଡ଼ିଶା ପ୍ରଦେଶ ଗଠନରେ ତାଙ୍କର ଉଲ୍ଲେଖନୀୟ ଅବଦାନ ରହିଥିଲା। ଜନସେବା

ପାଇଁ ନିଜ ଜୀବନକୁ ଉତ୍ସର୍ଗ କରିଥିବା ଗୋପବନ୍ଧୁ ଦାସ ତ୍ୟାଗ, ତପସ୍ୟା

ଓ ସମର୍ପଣର ପ୍ରତୀକ ଥିଲେ। ତାଙ୍କର ମହାନ ଆଦର୍ଶ ଆଜି ବି ସମାଜକୁ ପ୍ରେରଣା ଯୋଗାଉଛି ବୋଲି

ମନମୋହନ ସାମଲ କହିଛନ୍ତି ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା