ମାଲକାନଗିରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଖାଲିପଡ଼ିଥିବା ଡାକ୍ତର ପଦବି ପୂରଣ
ମାଲକାନଗିରି, ୧୬ ନଭେମ୍ବର(ହି.ସ.) – ମାଲକାନଗିରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଖାଲିପଡ଼ିଥିବା ଡାକ୍ତର ପଦବି ପୂରଣ ହୋଇଛି। ଆଜି ୮ଜଣ ଡାକ୍ତର ନିଯୁକ୍ତି ପାଇଛନ୍ତି। ସେମାନେ କାର୍ଯ୍ୟରେ ଯୋଗଦେବା ପରେ ବିଧାୟକ ନରସିଂହ ମାଡକାମୀ ସମ୍ବର୍ଦ୍ଧିତ କରିଛନ୍ତି। ନବନିଯୁକ୍ତ ଡାକ୍ତରମାନେ ଯୋଗଦେବା ପରେ ବିଧ
ମାଲକାନଗିରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଖାଲିପଡ଼ିଥିବା ଡାକ୍ତର ପଦବି ପୂରଣ


ମାଲକାନଗିରି, ୧୬ ନଭେମ୍ବର(ହି.ସ.) – ମାଲକାନଗିରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଖାଲିପଡ଼ିଥିବା ଡାକ୍ତର ପଦବି ପୂରଣ ହୋଇଛି। ଆଜି ୮ଜଣ ଡାକ୍ତର ନିଯୁକ୍ତି ପାଇଛନ୍ତି। ସେମାନେ କାର୍ଯ୍ୟରେ ଯୋଗଦେବା ପରେ ବିଧାୟକ ନରସିଂହ ମାଡକାମୀ ସମ୍ବର୍ଦ୍ଧିତ କରିଛନ୍ତି। ନବନିଯୁକ୍ତ ଡାକ୍ତରମାନେ ଯୋଗଦେବା ପରେ ବିଧାୟକ ନରସିଂହ ମାଡକାମୀ ମୁଖ୍ୟ ଚିକିତ୍ସାଳୟରେ ପହଂଚି ସମସ୍ତ ଡାକ୍ତରଙ୍କୁ ଉତରୀୟ ପ୍ରଦାନ କରି ସମ୍ବର୍ଦ୍ଧିତ କରିଥିଲେ। ଏଥିସହ ଜିଲ୍ଲାବାସୀଙ୍କୁ ଉତମ ଓ ନିଷ୍ଠାପର ସ୍ୱାସ୍ଥ୍ୟସେବା ଯୋଗାଇଦେବାକୁ ଡାକ୍ତରମାନଙ୍କୁ ଆହ୍ୱାନ ଜଣାଇଥିଲେ। ନୂତନ ଭାବେ ଯୋଗଦେଇଥିବା ୮ ଜଣ ଡାକ୍ତରଙ୍କ ମାନେ ହେଲେ ଡାକ୍ତର ଅନୁପମ ଜେନା(ଭେଷଜ ବିଭାଗ), ଡାକ୍ତର ଦେବଦାସ ସାମନ୍ତରାୟ (ଫୋରେନସିକ୍ ମେଡିସିନ୍ ବିଭାଗ), ଡାକ୍ତର ପ୍ରିୟ ରଞ୍ଜନ ସେଠୀ(ଅସ୍ଥିଶଲ୍ୟ ବିଭାଗ), ଡାକ୍ତର ତପସ ରଞ୍ଜନ ପଣ୍ଡା(ଶଲ୍ୟ ଚିକିତ୍ସା ବିଭାଗ), ଡାକ୍ତର ଅଭିଷେକ ମହାନ୍ତି(ରେଡିଓ ଡାଏଗ୍ନୋସିସ୍ ବିଭାଗ), ଡାକ୍ତର ପ୍ରବୀଣ କୁମାର ସାହୁ (ଚର୍ମ ଓ ଯୌନରୋଗ ବିଭାଗ), ଡାକ୍ତର ଶ୍ରୀକୃଷ୍ଣ ମଣ୍ଡଳ(ମେଡିସିନ୍ ବିଭାଗ), ଡାକ୍ତର ଅନସାରୀ ମାଝୀ(ଶିଶୁରୋଗ ବିଭାଗ)।ସୂଚନାଯୋଗ୍ୟ, ଅନେକ ଦିନ ଧରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଡାକ୍ତର ଅଭାବ ଯୋଗୁଁ ସ୍ୱାସ୍ଥ୍ୟସେବା ବ୍ୟାହତ ହେଉଥିଲା। ଫଳରେ ରୋଗୀ ଓ ସେମାନଙ୍କ ସମ୍ପର୍କୀୟମାନେ ବିଭିନ୍ନ ସମସ୍ୟାର ସମ୍ମୁଖୀନ ହେଉଥିଲେ। ଏହି ସମସ୍ୟାର ଗମ୍ଭୀରତାକୁ ହୃଦୟଙ୍ଗମ କରି ବିଧାୟକ ଶ୍ରୀ ମାଡକାମୀ ରାଜ୍ୟ ସ୍ୱାସ୍ଥ୍ୟମନ୍ତ୍ରୀ ମୁକେଶ ମହାଲିଙ୍ଗଙ୍କୁ ସାକ୍ଷାତ କରି ଜିଲ୍ଲାରେ ଡାକ୍ତର ଅଭାବ ସମ୍ପର୍କରେ ଅବଗତ କରାଇବା ସହ ଏହାର ତୁରନ୍ତ ସମାଧାନ ପାଇଁ ଦାବି ଜଣାଇଥିଲେ।

.......................................

ହିନ୍ଦୁସ୍ଥାନ ସମାଚାର / ଶିବବ୍ରତ


 rajesh pande