
ନୂଆଦିଲ୍ଲୀ, ୧୭ ନଭେମ୍ବର (ହି.ସ.)। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଙ୍ଗଳବାର ଫିଲିପାଇନ୍ସର ରାଜଧାନୀ ମନିଲାସ୍ଥିତ ଐତିହାସିକ 'ଖାଲସା ଦିୱାନ ଗୁରୁଦ୍ୱାର' ପରିଦର୍ଶନ କରିଛନ୍ତି।
ପ୍ରଧାନମନ୍ତ୍ରୀ ମୋଦୀ ଏକ୍ସରେ ଲେଖିଛନ୍ତି, ମନିଲାର ଗୁରୁଦ୍ୱାର ଖାଲସା ଦିୱାନକୁ ଆସି ମୁଁ ନିଜକୁ ଅତ୍ୟନ୍ତ ଧନ୍ୟ ମନେ କରୁଛି। ଏହା ଫିଲିପାଇନ୍ସର ସବୁଠାରୁ ପୁରାତନ ଗୁରୁଦ୍ୱାର। ଏକ ଶତାବ୍ଦୀରୁ ଅଧିକ ସମୟ ଧରି 'ଖାଲସା ଦିୱାନ ଗୁରୁଦ୍ୱାର' ଭାରତ ଓ ଫିଲିପାଇନ୍ସ ମଧ୍ୟରେ ସୁଦୃଢ଼ ସାଂସ୍କୃତିକ ସମ୍ପର୍କ ଏବଂ ଲୋକଙ୍କ ମଧ୍ୟରେ ଆତ୍ମୀୟତାର ପ୍ରତୀକ ହୋଇ ରହିଛି। ମନିଲାରେ ଏହି ଗୁରୁଦ୍ୱାରର ପୁନଃବିକାଶ ପାଇଁ ଆୟୋଜିତ ଭିତ୍ତିପ୍ରସ୍ତର ସ୍ଥାପନ କାର୍ଯ୍ୟକ୍ରମରେ ମଧ୍ୟ ସେ ନେତୃତ୍ୱ ନେଇଥିଲେ।
ଉଲ୍ଲେଖଯୋଗ୍ୟ ଯେ, ୨୩ତମ ଆସିଆନ୍-ଭାରତ ଶିଖର ସମ୍ମିଳନୀ ଏବଂ ୨୧ତମ ପୂର୍ବ ଏସିଆ ଶିଖର ସମ୍ମିଳନୀରେ ଯୋଗଦେବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସୋମବାର ଫିଲିପାଇନ୍ସର ରାଜଧାନୀ ମନିଲାରେ ପହଞ୍ଚିଛନ୍ତି।
ମନିଲା ଅନ୍ତର୍ଜାତୀୟ ବିମାନବନ୍ଦରରେ ଫିଲିପାଇନ୍ସର ସୂଚନା ଓ ଯୋଗାଯୋଗ ପ୍ରଯୁକ୍ତି ବିଭାଗର ସଚିବ ରବର୍ଟ ଜୋସେଫ୍ 'ଜୟ' ମୋଣ୍ଟେସ୍ ଡି କ୍ଲାରୋ ତାଙ୍କୁ ସ୍ୱାଗତ କରିଥିଲେ। ଏହି ଅବସରରେ ଭାରତୀୟ ସମୁଦାୟର ଲୋକମାନେ 'ବନ୍ଦେ ମାତରମ୍' ନାରା ଦେଇ ପ୍ରଧାନମନ୍ତ୍ରୀଙ୍କୁ ସ୍ୱାଗତ କରିଥିଲେ। ଶିଶୁମାନେ ସଂସ୍କୃତ ମନ୍ତ୍ର ଉଚ୍ଚାରଣ କରିବା ସହ ସାଂସ୍କୃତିକ କାର୍ଯ୍ୟକ୍ରମ ମଧ୍ୟ ପରିବେଷଣ କରିଥିଲେ।
ହିନ୍ଦୁସ୍ଥାନ ସମାଚାର / ସ୍ୱାଗତିକା