କାଠମାଣ୍ଡୁ, ୩ ନଭେମ୍ବର (ହି.ସ.)- ଆଗକୁ ଦୀପାବଳି ପର୍ବ। ଦୀପାବଳିକୁ ଦୃଷ୍ଟିରେ ରଖି କାଠମାଣ୍ଡୁ ମ୍ୟୁନିସିପାଲିଟି କର୍ପୋରେସନ୍ ଏହାର ଅଞ୍ଚଳରେ ପ୍ଲାଷ୍ଟିକ୍ ଦ୍ୱାରା ନିର୍ମିତ ଫୁଲ, ଫୁଲ ମାଳ ଏବଂ ବିଭିନ୍ନ ସାଜ୍ଜସଜ୍ଜା ସାମଗ୍ରୀ ବିକ୍ରୟ ଏବଂ ବିତରଣ ଉପରେ ସମ୍ପୂର୍ଣ୍ଣ ନିଷେଧାଦେଶ ଲଗାଇଛି। ସମସ୍ତ ବ୍ୟବସାୟୀ ଏବଂ ସାଧାରଣ ଜନତାଙ୍କୁ ଫୁଲ ଏବଂ ମାଳ ବ୍ୟବହାରକୁ ପ୍ରାଥମିକତା ଦେବାକୁ ମ୍ୟୁନିସିପାଲିଟି କର୍ପୋରେସନ୍ ନିବେଦନ କରିଛି।
କାଠମାଣ୍ଡୁ ମ୍ୟୁନିସିପାଲିଟି କର୍ପୋରେସନର ସିଟି ଏକ୍ଜିକ୍ୟୁଟିଭ୍ ଅଫିସ୍ ଅଧୀନରେ ଥିବା ମେଟ୍ରୋପଲିଟାନ୍ ପୋଲିସ୍ ଫୋର୍ସ ଏକ ନୋଟିସ୍ ଜାରି କରିଛି ଯେ, ଯଦି କେହି ପ୍ଲାଷ୍ଟିକ୍ ଦ୍ୱାରା ନିର୍ମିତ ଫୁଲ, ମାଳ ଏବଂ ସଜ୍ଜା ସାମଗ୍ରୀ ବିକ୍ରୟ କରୁଥିବା କିମ୍ବା ନିଷେଧାଦେଶକୁ ଅବମାନନା କରି ନିର୍ଦ୍ଧାରିତ ଗୁଣବତ୍ତା ମାନଦଣ୍ଡ ପୂରଣ କରୁନଥିବା ଦେଖିବାକୁ ମିଳେ ତେବେ ସମସ୍ତ ସାମଗ୍ରୀ ଜବତ କରାଯିବ।
ନେପାଳୀ କୃଷକମାନଙ୍କ ଦ୍ୱାରା ଉତ୍ପାଦିତ ଫୁଲ ମାଳ ପାଇଁ ଏକ ଉଚିତ ବଜାର ପ୍ରଦାନ କରିବା ଏବଂ ସାଧାରଣ ଜନତାଙ୍କ ପାଇଁ ସହଜ ସପିଙ୍ଗ ସୁବିଧା ପ୍ରଦାନ କରିବା ଉଦ୍ଦେଶ୍ୟରେ ମେଟ୍ରୋପଲିଟାନ୍ ପୋଲିସ୍ ଫୋର୍ସ ସମ୍ପୃକ୍ତ ସଂସ୍ଥା ସହିତ ସମନ୍ୱୟ ରକ୍ଷା କରି ବିକ୍ରୟ ପାଇଁ ବିଭିନ୍ନ ସ୍ଥାନ ନିର୍ଦ୍ଧାରିତ କରିଛି।
ହିନ୍ଦୁସ୍ଥାନ ସମାଚାର / ପ୍ରଦୀପ୍ତ
