ଭୁବନେଶ୍ୱର, 24 ଫେବୃଆରୀ

(ହି.ସ.) ଚାଷୀ ମାନଙ୍କ ସମସ୍ୟାକୁ ନେଇ ବିରୋଧୀ ବିଜେଡି ଓ କଂଗ୍ରେସ ଦଳର ବିଧାୟକ ମାନଙ୍କର

ଆନ୍ଦୋଳନ ଓ ନାରାବାଜୀକୁ ନେଇ ଉତର ଦେଇଛନ୍ତି ବିଜେପି ବିଧାୟକ ଇରାଶୀଷ ଆଚାର୍ଯ୍ୟ ।

ଆଜି ଶୂନ୍ୟକାଳରେ ସେ

କହିଛନ୍ତି ଯେ, କଂଗ୍ରେସ ପୂର୍ବରୁ ଚାଷୀ ପ୍ରସଙ୍ଗରେ ମୁଲତବୀ ପ୍ରସ୍ତାବ ଦେଇଥିଲା । ଗ୍ରହଣ ବି

ହୋଇଥିଲା କିନ୍ତୁ ଆଲୋଚନା ନକରି ହଟ୍ଟଗୋଳ କରି ଗୃହକୁ ବନ୍ଦ କଲେ । କୌଣସି ମଣ୍ଡି ସମସ୍ୟା

ନାହିଁ । 24 ବର୍ଷରେ ଯେଉଁମାନେ ଗୋଟିଏ ମଣ୍ଡି ତିଆରି କରିନଥିଲେ ସେମାନେ ଆଜି କହୁଛନ୍ତି ଧାନ

ନଉଠିବା କଥା । ପୂର୍ବ ସରକାରରେ ଟୋକନ ଲାପସ ହେଉଥିଲା । ଏବେ ଟୋକନ ଲାପସ ହେଉନାହିଁ ।

ଜିଲ୍ଲାପାଳଙ୍କୁ କ୍ଷମତା ଦିଆଯାଇଛି । ଚାଷୀ ଅଧିକ ଧାନ ଚାଷ କରୁଛନ୍ତି, ଅଧିକ ଟଙ୍କା

ପାଉଛନ୍ତି । ତେବେ ବିରୋଧୀ କାହାକୁ ଭ୍ରମିତ କରୁଛନ୍ତି । ଚାଷୀଙ୍କ ପ୍ରଗତି ହେଉ ବୋଲି ବିରୋଧୀ

ଚାହୁଁ ନାହାନ୍ତି । 7 ଦିନ ହେବ ବିରୋଧୀ ଆଲୋଚନାକୁ ନଆସି ପ୍ରତିବାଦ କରୁଛନ୍ତି ।

ମୁଖ୍ୟମନ୍ତ୍ରୀ କହିଛନ୍ତି ସରକାର ପଳାୟନପନ୍ଥି ନୁହନ୍ତି । ସରକାର ଆଲୋଚନା ପାଇଁ ପ୍ରସ୍ତୁତ

ଅଛନ୍ତି । ସରକାର ଅନ୍ନଦାତାଙ୍କ ପାଇଁ ସମ୍ବେଦନଶୀଳ ଅଛନ୍ତି ବୋଲି ସେ କହିଛନ୍ତି ।

---------------

ହିନ୍ଦୁସ୍ଥାନ ସମାଚାର / ସମନ୍ୱୟ