ବଲାଙ୍ଗିର, ୨୬ ଫେବୃଆରୀ (ହି.ସ.)-

ବଲାଙ୍ଗିର ସାମ୍ବାଦିକ ଭବନରେ ଓଡିଶା ବଜେଟକୁ ନେଇ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି l ଜିଲ୍ଲା ବିଜେପି ସଭାପତି ଶ୍ରୀବତ୍ସ ବେହେରା ଏହି କାର୍ଯ୍ୟକ୍ରମ ପରିଚାଳନା କରିଥିଲେ l ମଞ୍ଚରେ ଉପସ୍ଥିତ ଥିଲେ ଗ୍ରାମ୍ୟ ଜଳଯୋଗାଣ ଓ ପଞ୍ଚାୟତିରାଜ ମନ୍ତ୍ରୀ ରବିନାରାୟଣ ନାୟକ ଓ ବରିଷ୍ଠ ବିଜେପି ନେତା ଗୋପାଳଜୀ ପାଣିଗ୍ରାହୀ l ଚଳିତ ବର୍ଷର ବଜେଟ ୩ ଲକ୍ଷ ୧୦ ହଜାରରେ ପହଞ୍ଚିଛି। ଉପରମୁହାଁ ହୋଇଛି ଓଡିଶାର ବିକାଶ। କୃଷି, ସ୍ବାସ୍ଥ୍ୟ ଓ ଶିଳ୍ପକୁ ପ୍ରାଧାନ୍ୟ ଦେଇଛନ୍ତି ଡବଲ ଇଞ୍ଜିନ ସରକାର। ପାନୀୟ ଜଳଯୋଗାଣ ସହ ଗରୀବଙ୍କୁ ୩୦୦ ଦିନର ରୋଜଗାର ଦେବାକୁ ବଜେଟରେ ପ୍ରାବଧାନ କରିଛନ୍ତି ମୋହନ ସରକାର। ପାରାଦୀପ ଓ ବଲାଙ୍ଗିରରେ ଇଞ୍ଜିନିୟରିଂ କଲେଜ ପ୍ରତିଷ୍ଠା କରାଯିବ। ଦାଦନପ୍ରବଣ ଜିଲ୍ଲା ଗୁଡିକରେ ଡାଲଖାଇ କାର୍ଯ୍ୟକ୍ରମ ଓ କୃଷି ମହାବିଦ୍ୟାଳୟ କରାଯିବ ବୋଲି କହିଛନ୍ତି ପଞ୍ଚାୟତିରାଜ ମନ୍ତ୍ରୀ ରବିନାରାୟଣ ନାୟକ l

ବଲାଙ୍ଗୀର ସାମ୍ବାଦିକ ଭବନ ଠାରେ ବରିଷ୍ଠ ନାଗରିକ ଓ ଏକ ବୁଦ୍ଧିଜୀବୀ ସମ୍ମିଳନୀ ମଧ୍ୟ ଅନୁଷ୍ଠିତ ହୋଇଥିଲା l ବୁଦ୍ଧିଜୀବୀ ମାନେ ବଲାଙ୍ଗିର ଜିଲ୍ଲାର ବିଭିନ୍ନ ସମସ୍ୟା ବାବଦରେ ପଞ୍ଚାୟତରାଜ ମନ୍ତ୍ରୀଙ୍କୁ ଜଣାଇଥିଲେ l ମନ୍ତ୍ରୀ ସ୍ଥାନୀୟ ନାଗରିକଙ୍କୁ ସରକାରଙ୍କ ନୂତନ ବଜେଟ ଓ ରାଜ୍ୟରେ ନୂତନ ଜୋଜନା ଓ କାର୍ଯ୍ଯ ଏଥିପାଇଁ ବ୍ୟବସ୍ଥିତ ଅର୍ଥର ବିବରଣୀ ପ୍ରଦାନ କରିଥିଲେ l

ହିନ୍ଦୁସ୍ଥାନ ସମାଚାର / ଗୋପବନ୍ଧୁ