ସୁନାବେଡ଼ା ଅଭୟାରଣ୍ୟରେ ଜଙ୍ଗଲ ନିଆଁ ଲିଭାଇବା ନେଇ ନାଗରିକ ସଚେତନ କାର୍ଯ୍ୟକ୍ରମ

ନୂଆପଡା,୨୭ ଫେବୃଆରୀ (ହି.ସ.)- ନୂଆପଡ଼ା ଜିଲ୍ଲା ସୁନାବେଡ଼ା ଅଭୟାରଣ୍ୟରେ ଜଙ୍ଗଳ ନିଆଁ ଲିଭାଇବା ନେଇ ନାଗରିକ ସଚେତନ କାର୍ଯ୍ୟକ୍ରମ, ବିଭିନ୍ନ ଉପାୟରେ ନିଆଁ ଲିଭାଇବା ପାଇଁ କର୍ମଚାରୀଙ୍କୁ ଆଜି ତାଲିମ ଦେଇ ଉପକରଣ ବଣ୍ଟନ କରିଛନ୍ତି। ଆଜି ଅଭୟାରଣ୍ୟରେ ଥିବା ସୁନାବେଡ଼ା ଗ୍ରାମ ରେ ସାପ୍ତାହିକ ବଜାର ଥିବାବେଳେ ଏହି ବଜାର ର ସୁବିଧା ନେଇ ପ୍ରଚାର ପାତ୍ର ବଣ୍ଟନ କରିଥିଲେ। ଏହି ଵଜାରରେ ପାଖାପାଖି ଅଞ୍ଚାଲରୁ ୨୦ ଖଣ୍ଡ ଗ୍ରାମ ଲୋକ ଆସି ସଉଦା ନେଉଥିବା ବେଳେ ପଡୋଶୀ ଛତିଶଗଡ଼ ରାଜ୍ୟ ର ସୀମାନ୍ତ ଗ୍ରାମର ଲୋକ ଆସିଥାନ୍ତି। ତେଣୁ ଅଳ୍ପ ସମୟରେ ବହୁଳ ପ୍ରଚାର ସୁବିଧା ଉଠାଇ ୨୦୦୦ ପ୍ରଚାର ପତ୍ର ବଣ୍ଟନ କରିଥିଲେ। ସେହିପରି ବନ୍ୟ ପ୍ରାଣୀ ବିଭାଗ କାର୍ଯ୍ୟାଳୟ ଠାରେ ଅଗ୍ନି ଲିଭାଇବା କର୍ମଚାରୀ ମାନେ ଯୋଗ ଦେଇ ତାଙ୍କୁ ତାଲିମ ପ୍ରଦାନ କରିଥିଲେ। ଅଗ୍ନି ଲିଭାଇବା ବିଭିନ୍ନ ଉପକରଣ ବଣ୍ଟନ କରିଛନ୍ତି। ସେହି କର୍ମଚାରୀ ମାନେ ଆଜି ଅଭୟାରଣ୍ୟ ସଡ଼କ ଉଭୟ ପାର୍ଶ୍ଵରେ ଅଗ୍ନି ରେଖା ତିଆରି କରି ଥିବା ବେଳେ ଯନ୍ତ୍ର ସାହାର୍ଯ୍ୟରେ ନିଆଁ ଜଙ୍ଗଳରେ ନ ବ୍ୟାପିବା ପାଇଁ କାର୍ଯ୍ୟ କରିଥିଲେ। ଦାଥୁନାମା ବନ୍ୟପ୍ରାଣୀ ଫରେଷ୍ଟର ବିଶ୍ଵ ମୋହନ ପାଢୀ, ସୁନାବେଡ଼ା ବନ୍ୟପ୍ରାଣୀ ଫରେଷ୍ଟର ସଞ୍ଜୟ୍ ଠାକୁର ଏବଂ ୪୦ ଜଣ ବନ୍ କର୍ମଚାରୀ ଯୋଗ ଦେଇଥିଲେ।

---------------

ହିନ୍ଦୁସ୍ଥାନ ସମାଚାର / ହେମନ୍ତ