କେନ୍ଦ୍ରାପଡ଼ା,୧୬ ମାର୍ଚ୍ଚ(ହି.ସ.) – ସମୟ ବଦଳିଛି, ଚେହେରା ବଦଳିଛି, କିନ୍ତୁ ବଦଳିନି ସେହି ଅଭୁଲା ପିଲାଦିନର ସ୍ମୃତି ଓ ନିଷ୍କପଟ ବନ୍ଧୁତା। ଦୀର୍ଘ ୨୦ ବର୍ଷ ପରେ ତରାଣ୍ଡୋ ହାଇସ୍କୁଲର ଦଶମ ଶ୍ରେଣୀ ବ୍ୟାଚ୍ର ପୁରାତନ ଛାତ୍ରଛାତ୍ରୀମାନେ ପରସ୍ପରକୁ ଭେଟି ଏକ ଭାବପୂର୍ଣ୍ଣ ମୁହୂର୍ତ ଅତିବାହିତ କରିଛନ୍ତି। ତ୍ରିଲୋଚନପୁର ସ୍ଥିତ ସରସ୍ୱତୀ ଶିଶୁ ବିଦ୍ୟା ମନ୍ଦିର ପରିସରରେ ଆୟୋଜିତ ଏହି ବନ୍ଧୁମିଳନ ଉତ୍ସବରେ ବିଭିନ୍ନ ସ୍ଥାନରୁ ପୁରାତନ ସାଥୀମାନେ ଏକତ୍ରିତ ହୋଇଥିଲେ। ଦୀର୍ଘ ଦୁଇ ଦଶନ୍ଧି ପରେ ପରସ୍ପରକୁ ପାଖରେ ପାଇ ସମସ୍ତେ କିଛି ସମୟ ପାଇଁ ସେହି ସ୍କୁଲ ଦିନର ସ୍ମୃତି ଭିତରକୁ ହଜିଯାଇଥିଲେ।କାର୍ୟ୍ୟକ୍ରମର ମୁଖ୍ୟ ଆକର୍ଷଣ: ସ୍ମୃତି ଚାରଣ: ସ୍କୁଲ ବେଳର ସେହି ଦୁଷ୍ଟାମି, ଖେଳପଡ଼ିଆର ମଜା ଏବଂ ଶିକ୍ଷକମାନଙ୍କ ଗାଳିକୁ ମନେ ପକାଇ ସମସ୍ତେ ହସଖୁସିରେ ମାତିଥିଲେ। ଆତ୍ମୀୟତା: ବ୍ୟକ୍ତିଗତ ଜୀବନ ଓ କର୍ମକ୍ଷେତ୍ରର ସଫଳତା ବାବଦରେ ଆଲୋଚନା କରିବା ସହ ପରସ୍ପରର ଭଲମନ୍ଦ ପଚାରି ବୁଝିଥିଲେ। ଶୁଭେଚ୍ଛା ଆଦାନପ୍ରଦାନ: ଦୀର୍ଘ ବର୍ଷ ପରେ ଏହି ସାକ୍ଷାତ ସମସ୍ତଙ୍କ ମନରେ ଏକ ନୂତନ ଉତ୍ସାହ ଭରିଦେଇଛି। ଏହି ଅବସରରେ ବନ୍ଧୁମାନେ ମିଳିତ ଭାବେ ଭୋଜି କରିବା ସହ ଆଗାମୀ ଦିନରେ ସାମାଜିକ କାର୍ଯ୍ୟରେ ନିଜକୁ ନିୟୋଜିତ କରିବା ପାଇଁ ସଂକଳ୍ପ ନେଇଥିଲେ। ୨୦ ବର୍ଷ ପରେ ବନ୍ଧୁମାନଙ୍କୁ ଭେଟିବା ଏକ ସ୍ୱପ୍ନ ପରି ଲାଗୁଛି ବୋଲି ଜଣେ ପୁରାତନ ଛାତ୍ର ପ୍ରକାଶ କରିଛନ୍ତି। ସ୍କୁଲ ଛାଡ଼ିବାର ଦୁଇ ଦଶନ୍ଧି ବିତିଯାଇଥିଲେ ମଧ୍ୟ ସାଙ୍ଗମାନଙ୍କ ସହ ସେହି ଆତ୍ମୀୟତା ଆଜି ବି ଅତୁଟ ରହିଛି। ସାଙ୍ଗମାନେ ହେଲେ ମୋହନ ରାଉତ, ଦେବାଶିଷ ପରିଡା, ତପନ ରାଉତ, ମାନସ ପ୍ରଧାନ, ଜଗବନ୍ଧୁ ଜେନା, ଇତିଶ୍ରୀ ପ୍ରଧାନ, କଳ୍ପନା ରାଉତ, ବିଶ୍ୱଜିତ ପରିଡା, ଶ୍ରୀକାନ୍ତ ସେଠି, ସରିତା ପଣ୍ଡା, ଶଶୀରେଖା ନାୟକ, ସ୍ମୃତିରଞ୍ଜନ ଜେନା, ସୁଶ୍ରୀସଙ୍ଗୀତା ଜେନା , ସୁଜାତା କର , ସିନ୍ଧୁସଂଜୀବନୀ ସାମଲ, ଜ୍ଞାନ ପ୍ରକାଶ ସାମଲ, ସୌଜନ୍ୟ ପରିଡା, ଆଶିଷ ସାମଲ, ରାଜେନ୍ଦ୍ର ସ୍ୱାଇଁ, ଜିତେନ୍ଦ୍ର ସାହୁ, ଜିତୁ ପାତ୍ର, ଶିବ ପାତ୍ର, ପାର୍ଥ ଦାସ ଜିତେନ୍ଦ୍ର ପରିଡା, ସୌମ୍ୟ ପରିଡା ଗଣେଶ ପରିଡା, ବିଭୁତି ବରାଳ, ସ୍ନିଗ୍ଧା ଲେଙ୍କା, ପ୍ରତିଭା ପରିଡା, ଗୋବିନ୍ଦ ମଳିକ, ରତ୍ନାମଞ୍ଜରୀ ନାୟକ, ରୁପାଲୀ ମହାନ୍ତି, ପ୍ରଭଞ୍ଜନ ପରିଡା, ପ୍ରଶାନ୍ତ ବାରିକ, ସନ୍ତୋଷ ବାରିକ, ନିରାକର ବାରିକ, ମନୋଜ ପଣ୍ଡା ପ୍ରମୁଖ ଅଂଶଗ୍ରହଣ କରିଥିଲେ।

.......................................

ହିନ୍ଦୁସ୍ଥାନ ସମାଚାର / ରବି