ସମ୍ବଲପୁର,୨୨, ମାର୍ଚ୍ଚ (ହି.ସ.)ସମଲେଶ୍ୱରୀ ଟ୍ରଷ୍ଟ ବୋର୍ଡର ଆନୁକୁଲ୍ୟରେ ଅନୁଷ୍ଠିତ ସଂପ୍ରଦା ପ୍ରତିଯୋଗିତାରେ ଆଠଟି ଦଳ ଅଂଶ ଗ୍ରହଣ କରିଥିଲେ। କାର୍ଯ୍ୟକ୍ରମରେ କପିଳ ସାହୁ, ହେମନ୍ତ ମହାପାତ୍ର, ରଞ୍ଜନ ସାହୁ ଏବଂ ପ୍ର.କାମଦେବ ସାହୁ ବିଚାରଣା କରିଥିଲେ ।
ଏହି ପ୍ରତିଯୋଗିତାରେ ବଡ଼ଧରା ସମ୍ପ୍ରଦା ଦଳ ପ୍ରଥମ, ଅମ୍ବାପାଲି ଦଳ ଦ୍ଵିତୀୟ ଓ ଦୟାଡେରା ଦଳ ତୃତୀୟ ସ୍ଥାନ ଅଧିକାର କରି ପୁରସ୍କୃତ ହୋଇଥଲେ । ସମସ୍ତ ସହଭାଗୀ ଦଳଙ୍କୁ ଦୁଇ ହଜାର ଟଙ୍କାର ପ୍ରୋତ୍ସାହନ ରାଶି ଓ ସମସ୍ତ ଦଳକୁ ଗସ୍ତ ଖର୍ଚ ଟ୍ରଷ୍ଟ ବୋର୍ଡ ତରଫରୁ ପ୍ରଦାନ କରାଯାଇଛି । ସମଲେଶ୍ୱରୀ ଟ୍ରଷ୍ଟ ବୋର୍ଡର ସଭାପତି ସଞ୍ଜୟ କୁମାର ବାବୁ କାର୍ଯ୍ୟକ୍ରମରେ ଅଧ୍ୟକ୍ଷତା କରିଥିବା ବେଳେ, ସଦସ୍ୟ ପ୍ରଫୁଲ୍ଲ ହୋତା ସଂଯୋଜକ ଭାବରେ କାର୍ଯ୍ୟ କରିଥିଲେ। ଏହି ଅବସରରେ ଡ଼ ଶ୍ୟାମ ସୁନ୍ଦର ଧରଙ୍କ ସହିତ ସଦସ୍ୟ ହେମନ୍ତ ମିଶ୍ର , ସନ୍ତୋଷ ପୃଷେଠ, ଦେବ କୁମାର ଆଜମେରିଆ ଓ ଇଓ ବିଚିତ୍ରାନନ୍ଦ ଆଚାର୍ଯ୍ୟ ସଂଯୋଜନା କରିଥିଲେ । ଏହି ଅବସରରେ ସଭାପତି ଶ୍ରୀ ବାବୁ ନିଜ ଅଭିଭାଷଣରେ କହିଥିଲେ ଯେ, ଏପରି କାର୍ଯ୍ୟକ୍ରମ ଆମ ସାଂସ୍କୃତିକ ଐତିହ୍ୟକୁ ଅଗାମୀ ପିଢ଼ୀ ପର୍ଯ୍ୟନ୍ତ ପହଞ୍ଚାଇବାରେ ଏକ ମୁଖ୍ୟ ମାଧ୍ୟମ।
---------------
ହିନ୍ଦୁସ୍ଥାନ ସମାଚାର / ଶୈଳେଶ
