ସମ୍ବଲପୁର, ୨୫, ମାର୍ଚ୍ଚ (ହି.ସ.) - ଆସନ୍ତା ୨୦୨୭ ରେ ପ୍ରଥମ ପର୍ଯ୍ୟାୟ ଜନଗଣନା ନିମନ୍ତେ ସମ୍ବଲପୁର ସଦର ତହସିଲରେ ୩ଟି ପର୍ଯ୍ୟାୟରେ ପ୍ରଶିକ୍ଷଣ ଅନୁଷ୍ଠିତ ହେବ। ଏହି ପ୍ରଶିକ୍ଷଣ ଶିବିର ଚଳିତ ମାସ ମାର୍ଚ୍ଚ ୨୪ ତାରିଖରୁ ୨୬ ପର୍ଯ୍ୟନ୍ତ , ମାର୍ଚ୍ଚ ୩୦ ରୁ ଏପ୍ରିଲ ମାସ ୨ ତାରିଖ ପର୍ଯ୍ୟନ୍ତ ପିଏମ ଶ୍ରୀ ଉଚ୍ଚ ବିଦ୍ୟାଳୟ ଶାସନ ଠାରେ, ଏପ୍ରିଲ ୪ ରୁ ୭ ତାରିଖ ପର୍ଯ୍ଯନ୍ତ ସରକାରୀ ଉଚ୍ଚ ବିଦ୍ୟାଳୟ ଗୋଶାଳା ଠାରେ ଅନୁଷ୍ଠିତ ହେବ ବୋଲି ସ୍ଥିରୀକୃତ ହୋଇଛି । ଏହି ଶିବିରରେ ମୋଟ ୧୩୭ ଜଣ ପ୍ରଶିକ୍ଷକ ଓ ସୁପରଭାଇଜର ମାନଙ୍କୁ ପ୍ରଶିକ୍ଷଣ ପ୍ରଦାନ କରାଯିବ। ଏହି ପର୍ଯ୍ୟାୟରେ ସଦର ତହସିଲଦାର ଅଭିଜିତ ମହନ୍ତ ଚାର୍ଜ ଅଫିସର, ଅତିରିକ୍ତ ତହସିଲଦାର ସଞ୍ଜୟ କୁମାର ସାହୁ ଓ ରଫିକ୍ ଅହମଦ ଫିଲ୍ଡ ଟ୍ରେନର ଭାବେ ଦାୟିତ୍ୱ ତୁଲାଇବେ ବୋଲି ଜଣାପଡ଼ିଛି ।

---------------

ହିନ୍ଦୁସ୍ଥାନ ସମାଚାର / ଶୈଳେଶ