କାଠମାଣ୍ଡୁ, 28 ମାର୍ଚ୍ଚ (ହି.ସ.)-ନେପାଳରେ ବାଲେନ୍ଦ୍ର
ସରକାର ଶପଥଗ୍ରହଣ ସହିତ ପ୍ରଥମ ଦିନରୁ ହିଁ କାର୍ଯ୍ୟରେ ଲାଗିଯାଇଛି। ଶପଥଗ୍ରହଣକୁ ଏଯାବତ୍ ୨୪
ଘଣ୍ଟା ମଧ୍ୟ ପୂରା ହୋଇନାହିଁ, କିନ୍ତୁ ଜେନ୍-ଜି ପ୍ରଦର୍ଶନ
ସମୟରେ ନିରସ୍ତ୍ର ଛାତ୍ରଛାତ୍ରୀଙ୍କ ହତ୍ୟାର ଅଭିଯୋଗରେ ପୂର୍ବ ପ୍ରଧାନମନ୍ତ୍ରୀ କେ.ପି. ଶର୍ମା
ଓଲି ଏବଂ ସେତେବେଳର ଗୃହମନ୍ତ୍ରୀ ରମେଶ ଲେଖକଙ୍କୁ ଗିରଫ କରାଯାଇଛି।
ବାଲେନ୍ଦ୍ରଙ୍କ ଅଧ୍ୟକ୍ଷତାରେ
ହୋଇଥିବା ପ୍ରଥମ କ୍ୟାବିନେଟ୍ ବୈଠକରେ ଜେନ୍-ଜି ଆନ୍ଦୋଳନର ତଦନ୍ତ ପାଇଁ ଗଠିତ ଆୟୋଗର
ସୁପାରିଶକୁ କାର୍ଯ୍ୟକରୀ କରିବାକୁ ସିଦ୍ଧାନ୍ତ ନିଆଯାଇଛି। ଆଜି ସକାଳେ ସୂର୍ଯ୍ୟ ଉଦୟ ପୂର୍ବରୁ
ପ୍ରଥମେ ରମେଶ ଲେଖକ ଏବଂ ପରେ ପୂର୍ବ ପ୍ରଧାନମନ୍ତ୍ରୀ ଓଲିଙ୍କୁ ଗିରଫ କରାଯାଇଥିଲା।
ତଦନ୍ତ ଆୟୋଗ ତାଙ୍କ
ରିପୋର୍ଟରେ ଓଲି ଏବଂ ଲେଖକଙ୍କ ସହିତ ପୋଲିସ, ସଶସ୍ତ୍ର
ପୋଲିସ ବଳ ଏବଂ ସେନା ଅଧିକାରୀମାନଙ୍କୁ ମଧ୍ୟ ଦୋଷୀ ସାବ୍ୟସ୍ତ କରିଛନ୍ତି, କିନ୍ତୁ ସୁରକ୍ଷା ବଳଙ୍କ ବିରୋଧରେ ଏପର୍ଯ୍ୟନ୍ତ କୌଣସି
କାର୍ଯ୍ୟନୁଷ୍ଠାନ ନେବାକୁ ସିଦ୍ଧାନ୍ତ ନିଆଯାଇନି। ସରକାର ଏହା ପାଇଁ ଏକ ସମିତି ଗଠନ କରି
ସେମାନଙ୍କ ଭୂମିକାର ତଦନ୍ତ କରାଇବାକୁ ନିଷ୍ପତ୍ତି ନେଇଛି।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
28 Mar 2026
