ଲକ୍ଷ୍ନୌ, ୨୮ ମାର୍ଚ୍ଚ (ହି.ସ.)। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶନିବାର

ଦେଶର ସବୁଠାରୁ ବଡ଼ ପ୍ରାଥମିକ ଭିତ୍ତିଭୂମି ପ୍ରକଳ୍ପ ମଧ୍ୟରୁ ଅନ୍ୟତମ ନୋଏଡା ଇଣ୍ଟରନ୍ୟାଶନାଲ୍

ବିମାନବନ୍ଦରର ପ୍ରଥମ ପର୍ଯ୍ୟାୟର ଲୋକାର୍ପଣ କରିବେ। ପ୍ରଥମ ପର୍ଯ୍ୟାୟର ଲୋକାର୍ପଣ ସହିତ ସେ

ବିମାନବନ୍ଦରର କାର୍ଗୋ ଟର୍ମିନାଲ୍ର ମଧ୍ୟ ଉଦ୍ଘାଟନ କରିବେ। ଏହାସହିତ ମେଣ୍ଟେନାନ୍ସ, ରିପେୟାର ଏବଂ ଓଭରହଲିଂ (ଏମଆରଓ) ସୁବିଧାର ଶିଳାନ୍ୟାସ କରିବେ।

ଉତ୍ତର ପ୍ରଦେଶର ପଞ୍ଚମ

ଆନ୍ତର୍ଜାତୀୟ ବିମାନବନ୍ଦର

ନୋଏଡା ଇଣ୍ଟରନ୍ୟାଶନାଲ୍ ବିମାନବନ୍ଦରକୁ

ଭାରତ ସରକାର ମେ ୨୦୧୮ରେ ସିଦ୍ଧାନ୍ତତଃ ଅନୁମୋଦନ ଦେଇଥିଲେ। ଏହି ପ୍ରକଳ୍ପଟିକୁ ଚାରିଟି

ପର୍ଯ୍ୟାୟରେ ବିକାଶ କରାଯାଉଛି। ଏହାପରେ ମୋଟ ୨୯,୫୬୦

କୋଟି ଟଙ୍କା ବ୍ୟୟ ହେବ। ବିମାନବନ୍ଦରକୁ ଆଧୁନିକ, ଡିଜିଟାଲ୍

ଏବଂ ଉର୍ଜା-ଦକ୍ଷ ପ୍ରଯୁକ୍ତି ସହିତ ଉନ୍ନତ କରାଯାଉଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜେୱର

ବିମାନବନ୍ଦରର ଉଦ୍ଘାଟନ କରିବା ସହିତ ଉତ୍ତର ପ୍ରଦେଶ ପାଞ୍ଚଟି ଆନ୍ତର୍ଜାତୀୟ ବିମାନବନ୍ଦର ଥିବା

ଦେଶର ପ୍ରଥମ ରାଜ୍ୟ ହେବ।

ପ୍ରଥମ ପର୍ଯ୍ୟାୟରେ

ବିମାନବନ୍ଦରର ବିକାଶ ପାଇଁ କନସେସନାୟର ଦ୍ୱାରା ୬,୮୭୬

କୋଟି ଟଙ୍କା ବ୍ୟୟ କରାଯାଉଛି। ଉତ୍ତର ପ୍ରଦେଶ ସରକାର ଭୂମି ଅଧିଗ୍ରହଣ ପାଇଁ ୪,୪୦୬ କୋଟି ଟଙ୍କା ଖର୍ଚ୍ଚ କରିଛି। ଏହିପରି ପ୍ରଥମ ପର୍ଯ୍ୟାୟର ମୋଟ

ଖର୍ଚ୍ଚ ପ୍ରାୟ ୧୧,୨୮୨ କୋଟି ଟଙ୍କା ହେବ ବୋଲି

ଆନୁମାନ କରାଯାଇଛି, ଯାହାରେ ପ୍ରତିବର୍ଷ ୧୨

ମିଲିୟନ୍ (୧.୨ କୋଟି) ଯାତ୍ରୀକୁ ସେବା ଦେବା ପାଇଁ ପ୍ରାରମ୍ଭିକ କ୍ଷମତା ବିକଶିତ କରାଯାଇଛି।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା