କେନ୍ଦୁଝର,୩୦ ମାର୍ଚ୍ଚ(ହି.ସ.) – ଜିଲ୍ଲା ଖଣିଜ ପ୍ରତିଷ୍ଠାନ (ଡିଏମଏଫ୍), ମୁଖ୍ୟ କାର୍ଯ୍ୟନିର୍ବାହୀ ଅଧୂକାରୀ ଆଜି ଜିଲ୍ଲା ମୁଖ୍ୟ ଚିକିତ୍ସାଳୟ ଏବଂ ରାଙ୍କି ସ୍ଥିତ ଆଡ଼ଭାନ୍ସଡ୍ ରିହାବିଲିଟେସନ୍ ସେଂଟର ପରିଦର୍ଶନ କରି ସମୀକ୍ଷା କରିଛନ୍ତି। ଆଧୁନିକ ଫିଜିଓଥେରାପି ଉପକରଣଗୁଡିକର ବ୍ୟବହାର ଆକଳନ କରିବା, କାର୍ଯ୍ୟକାରିତା ସମୀକ୍ଷା କରିବା ଏବଂ କେନ୍ଦୁଝର ଜନ ନସାଧାରଣଙ୍କ ପାଇଁ ପୁନର୍ବାସ ଆଧାରିତ ସ୍ୱାସ୍ଥ୍ୟସେବାକୁ ଆହୁରି ସୁଦୃଢ କରିବା ପାଇଁ କାର୍ଯ୍ୟକାରୀ ପଦକ୍ଷେପ ଚିହ୍ନଟ କରିବା ପରିଦର୍ଶନର ଉଦ୍ଦେଶ୍ୟ ଥିଲା।

ଭ୍ରମଣ ସମୟରେ ମୁଖ୍ୟ କାର୍ଯ୍ୟନିର୍ବାହୀ ଅଧୂକାରୀ ରାଙ୍କି ସ୍ଥିତ ଏଆରସିର କାର୍ଯ୍ୟପ୍ରଣାଳୀର ବିସ୍ତୃତ ସମୀକ୍ଷା କରିଥିଲେ। ଏହି କେନ୍ଦ୍ରରେ ନିମ୍ନ ଅଙ୍ଗ ପୁନର୍ବାସ ପାଇଁ ରୋବୋଟିକ୍ ଇଣ୍ଟରଭେନ୍ସନ୍ ସିଷ୍ଟମ୍ ସହିତ ବିଭିନ୍ନ ଆଧୁନିକ ଫିଜିଓଥେରାପି ଉପକରଣ ଉପଲବ୍ଧ ଅଛି। ସମୀକ୍ଷାର ମୁଖ୍ୟ ଲକ୍ଷ୍ୟ ଥୂଲା ଉପକରଣଗୁଡିକର ବ୍ୟବହାର ଅବସ୍ଥା ଆକଳ ଳନ କରିବା, ରୋଗୀ ଭର୍ତି ଏବଂ ରୋଗୀ ସୁବିଧା ମୂଲ୍ୟାୟନ କରିବା ଏବଂ ଯେଉଁମାନେ ଫିଜିଓଥେରାପି ଓ ପୁନରୁଦ୍ଧାର ସହାୟତା ଆବଶ୍ୟକ କରୁଛନ୍ତି ସେମାନଙ୍କ ପାଇଁ କେନ୍ଦ୍ରଟି ସର୍ବାଧିକ କ୍ଷମତାରେ କାମ କରୁଛି କି ନାହିଁ ତାହା ନିଶ୍ଚିତ କରିବା। ସେ ଚିକିତ୍ସକ, ଫିଜିଓଥେରାପିଷ୍ଟ ଏବଂ ପ୍ରଶାସନିକ କର୍ମଚାରୀଙ୍କ ସହ ଆଲୋଚନା କରି ସମସ୍ୟା ବୁଝିଥିଲେ, ସମ୍ପଦ ବ୍ୟବହାରକୁ ଆକଳନ କରିଥିଲେ ଏବଂ ଜିଲ୍ଲାର ସମସ୍ତ ରୋଗୀଙ୍କ ପାଇଁ ଏଆରସିକୁ ଆହୁରି ସୁଗମ ଏବଂ କାର୍ଯ୍ୟକାରୀ କରିବା ବିଷୟରେ ଆଲୋଚନା କରିଥିଲେ।

୨୦୨୧ ମସିହାରେ ଡିଏମଏଫ୍ କେନ୍ଦୁଝରର ଆର୍ôଥକ ସହାୟତାରେ ସ୍ଥାପିତ ରାଙ୍କି ସ୍ଥିତ ଏହି ଆଡ଼ଭାନ୍ମୁଡ୍ ରିହାବିଲିଟେସନ୍ ସେଣ୍ଟର ଆଧୁନିକ ପ୍ରଯୁକ୍ତି ସହ ସଜ୍ଜିତ, ଯାହାରେ ନିମ୍ନ ଅଙ୍ଗ ପୁନର୍ବାସନ ପାଇଁ ବିଶେଷ ଭାବେ ଡିଜାଇନ୍ ହୋଇଥିବା ରୋବୋଟିକ୍ ଇଂଟରଭେନ୍ସନ୍ ସିଷ୍ଟମ୍ ଅନୁର୍ଭୁକ୍ତ। ଏହି ପ୍ରକଳ୍ପ ସମ୍ପୂର୍ଣ୍ଣ ଭାବେ ଡିଏମଏଫ୍ ପାଣ୍ଠିରୁ ସ୍ଥାପିତ ହୋଇଛି। ଏହି ସମୀକ୍ଷା ମାଧ୍ୟମରେ କେନ୍ଦ୍ରଟିର କାର୍ଯ୍ୟକୁ ଆହୁରି ସୁଦୃଢ କରିବା ସହ ୨୦୨୧ ଠାରୁ ଗଢ଼ିଉଠିଥିବା ଭିତିକୁ ଆହୁରି ମଜବୁତ କରିବାକୁ ମୁଖ୍ୟ କାର୍ଯ୍ୟନିର୍ବାହୀ ଅଧୂକାରୀ ଉଦ୍ୟମ କରୁଛନ୍ତି।

.......................................

ହିନ୍ଦୁସ୍ଥାନ ସମାଚାର / SANTOSH KUMAR MOHAPATRA