ସମ୍ବଲପୁର, ୧୦, ଏପ୍ରିଲ୍ (ହି.ସ.)

ହନୁମାନ ଜୟନ୍ତୀ ପାଇଁ ସମ୍ବଲପୁରରେ ବିଶାଳ ବାଇକ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି । ସମ୍ବଲପୁର ହନୁମାନ ଜୟନ୍ତୀ ସମନ୍ୱୟ ସମିତି ପକ୍ଷରୁ ଏହି ବାଇକ୍ ଶୋଭାଯାତ୍ରା ଆୟୋଜନ ହୋଇଛି | ବିଧାୟକ ଜୟ ନାରାୟଣ ମିଶ୍ରଙ୍କ ନେତୃତ୍ୱରେ ଏହି ଶୋଭାଯାତ୍ରା ଗୋବିନ୍ଦ ତୋଳାରୁ ବାହାରି ଜେଲ୍ ଛକ ଦେଇ ଭୁତାପଡା, ମୋତିଝରଣ, ସୁନାପାଲି, ସାକ୍ଷୀପଡ଼ା ଦେଇ ମ୍ୟୁନିସିପାଲଟି ଛକରେ ଶେଷ ହୋଇଛି | ତେବେ ଶାନ୍ତି ଶୃଙ୍ଖଳା ଦୃଷ୍ଟିରୁ ୩୦ ପ୍ଲାଟୁନ ପୋଲିସ ଫୋର୍ସ ମୁତୟନ ହୋଇଛନ୍ତି | ଏହା ସହ ରୁଫଟପ୍ ଫୋର୍ସ ମୁତୟନ ସହ ଡ୍ରୋନ ଦ୍ୱାରା ସମଗ୍ର ସହରକୁ ନଜର ରଖା ଯାଇଛି | ସେପଟେ ସମ୍ବଲପୁର ଏସପି ମୁକେଶ ଭାମୁ ନିଜେ ବିଭିନ୍ନ ସମ୍ବେଦନଶୀଳ ଅଞ୍ଚଳ ରେ ରହି କିପରି ସୁରକ୍ଷିତ ଭାବରେ ବାଇକ ରାଲିଯିବ ସେ ନିଜେ ତଦାରଖ କରୁଥିବା ଦେଖାଯାଇଛି l

----

ହିନ୍ଦୁସ୍ଥାନ ସମାଚାର / ଶୈଳେଶ