ଭୁବନେଶ୍ୱର, 10 ଏପ୍ରିଲ୍ (ହି.ସ.)- ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ଅଧକ୍ଷତାରେ

ଅନୁଷ୍ଠିତ କ୍ୟାବିନେଟ ବୈଠକରେ, ଶୁକ୍ରବାର ‘ଅଟଲ

ବସ୍ ଷ୍ଟାଣ୍ଡ’ ଯୋଜନାକୁ ଅନୁମୋଦନ କରିଛି, ଯାହାର ଉଦ୍ଦେଶ୍ୟ ରାଜ୍ୟ ସାରା ସାର୍ବଜନିକ ପରିବହନ ଭିତ୍ତିଭୂମିର

ଆଧୁନିକୀକରଣ କରିବା। ଏହି ଯୋଜନା ପାଇଁ 2031–32 ଆର୍ଥିକ ବର୍ଷ ପର୍ଯ୍ୟନ୍ତ ମୋଟ 3,400 କୋଟିର

ବଜେଟ୍ ଅନୁମୋଦିତ ହୋଇଛି।

ଏହି ଯୋଜନା ଅଧୀନରେ ଜିଲ୍ଲା ମୁଖ୍ୟାଳୟ, ଉପ-ମଣ୍ଡଳ

ମୁଖ୍ୟାଳୟ, ବ୍ଲକ୍ ମୁଖ୍ୟାଳୟ, ସହରୀୟ ସ୍ଥାନୀୟ

ନିକାୟ ଅଞ୍ଚଳ ସହିତ ପ୍ରମୁଖ ପର୍ଯ୍ୟଟନ ଓ କୌଶଳଗତ ସ୍ଥାନଗୁଡିକରେ ବସ୍ ଷ୍ଟାଣ୍ଡଗୁଡିକର

ଆଧୁନିକୀକରଣ, ପୁନରୁଦ୍ଧାର, ସଂଚାଳନ ଓ

ପରିଚାଳନା କରାଯିବ।

ଏହି ଯୋଜନାର ଏକ ମୁଖ୍ୟ ବିଶେଷତା ହେଉଛି ସମସ୍ତ ସାର୍ବଜନିକ ବସ୍

ଷ୍ଟାଣ୍ଡ ପାଇଁ ଏକୀକୃତ ପରିଚାଳନା ପ୍ରଣାଳୀକୁ କାର୍ଯ୍ୟକରୀ କରିବା। ଏହା ମାଧ୍ୟମରେ ପୂର୍ବରୁ

ବିକଶିତ ବସ୍ ଷ୍ଟାଣ୍ଡ ଓ ସହରୀୟ ସ୍ଥାନୀୟ ଗ୍ରୁପ ଅଧୀନରେ ଥିବା ବସ୍ ଷ୍ଟାଣ୍ଡଗୁଡିକୁ ଗୋଟିଏ

ଢାଞ୍ଚାରେ ଅଣାଯିବ, ଯାହା ଫଳରେ ସମଗ୍ର

ରାଜ୍ୟରେ ଭିତ୍ତିଭୂମି, ରକ୍ଷାବେକ୍ଷା, ସଂଚାଳନ ଓ ଯାତ୍ରୀ

ସେବାରେ ଏକରୂପତା ସୁନିଶ୍ଚିତ ହେବ।

ସରକାରଙ୍କ କହିବା ଅନୁଯାୟୀ, ‘ଅଟଳ ବସ୍ ଷ୍ଟାଣ୍ଡ’ ଯୋଜନା ଅଧୀନରେ ବସ୍ ଷ୍ଟାଣ୍ଡଗୁଡିକୁ ଯାତ୍ରୀ

ସଂଖ୍ୟା, ପରିବହନ ଆବଶ୍ୟକତା

ଓ ଆଞ୍ଚଳିକ ଗୁରୁତ୍ୱ ଆଧାରରେ “ଏ”, “ବି”

ଓ “ସି” ଶ୍ରେଣୀରେ ବିକାଶ

କରାଯିବ।

ଏହି ଯୋଜନା ପରିଚାଳନା କ୍ଷମତା ବୃଦ୍ଧି, ଆର୍ଥିକ

ପରିକଳ୍ପନାକୁ ମଜବୁତ କରିବା ଓ ପରିବହନ କେନ୍ଦ୍ରଗୁଡିକରୁ ଆୟ ସୃଷ୍ଟିକୁ ବୃଦ୍ଧି କରିବା

ଲକ୍ଷ୍ୟରେ ପ୍ରସ୍ତୁତ ହୋଇଛି। ଏହା ସହିତ ଯାତ୍ରୀ ସୁବିଧାର ସୁଧାର, ପରିବେଶ-ମିତ୍ର ଭିତ୍ତିଭୂମି ବିକାଶକୁ ମଧ୍ୟ ସୁନିଶ୍ଚିତ

କରିବ।

ଅଧିକାରୀମାନଙ୍କ କହିବା ଅନୁଯାୟୀ, ଏହି ପ୍ରୟାସ ସମାବେଶୀ ଉନ୍ନତିକୁ ବୃଦ୍ଧି କରିବା, ସଂଯୋଗକୁ ମଜବୁତ

କରିବା ଓ ରାଜ୍ୟର ବ୍ୟାପକ ଆର୍ଥିକ ଉନ୍ନତି ଲକ୍ଷ୍ୟକୁ ସମର୍ଥନ କରିବ।

‘ଅଟଳ ବସ୍ ଷ୍ଟାଣ୍ଡ’ ଯୋଜନାକୁ ବାଣିଜ୍ୟ ଓ ପରିବହନ ବିଭାଗ ଅଧୀନରେ ରାଜ୍ୟ

ସଡକ ପରିବହନ କର୍ପୋରେସନ ଦ୍ୱାରା କାର୍ଯ୍ୟାନ୍ବୟନ କରାଯିବ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା