ଭୁବନେଶ୍ୱର, 11 ଏପ୍ରିଲ୍ (ହି.ସ.)- ଏକ ଗୁରୁତ୍ୱପୂର୍ଣ୍ଣ ଘଟଣାକ୍ରମରେ, ଦିଲ୍ଲୀ ପୁଲିସର ସ୍ପେଶାଲ ବ୍ରାଞ୍ଚ ପୋଲିସ ଭୁବନେଶ୍ୱରର ଜଣେ

ଯୁବକଙ୍କୁ ପାକିସ୍ତାନ ସହ ଅଭିଯୁକ୍ତ ସମ୍ପର୍କ ଏବଂ ଭାରତ ବିରୋଧୀ କାର୍ଯ୍ୟକଳାପରେ ସଂପୃକ୍ତି

ଅଭିଯୋଗରେ ଉଠାଇ ନେଇଛି ।

ଅଭିଯୁକ୍ତଙ୍କ ପରିଚୟ ‘ଇମାମ’ ଭାବେ

ହୋଇଛି । ତାଙ୍କୁ ଭୁବନେଶ୍ୱରର କ୍ୟାପିଟାଲ ପୋଲିସ ଥାନା ଅଞ୍ଚଳରୁ ଏକ ସମନ୍ୱିତ ଅଭିଯାନରେ

ଧରାଯାଇଥିଲା। ସୂତ୍ରମାନଙ୍କ କହିବା ଅନୁସାରେ, ଦିଲ୍ଲୀ ପୁଲିସ ଦୀର୍ଘ ସମୟ ଧରି ତାଙ୍କ

କାର୍ଯ୍ୟକଳାପ ଉପରେ ନଜର ରଖିଥିଲା ଏବଂ ଠୋସ ସୂଚନା ମିଳିବା ପରେ ତାଙ୍କ ଠିକଣାରେ ପହଞ୍ଚିଥିଲେ।

ପ୍ରାରମ୍ଭିକ ତଦନ୍ତରେ ଜଣାପଡ଼ିଛି ଯେ, ଅଭିଯୁକ୍ତ ସୋସିଆଲ୍ ମିଡିଆ ପ୍ଲାଟଫର୍ମ ମାଧ୍ୟମରେ ଭାରତ ବିରୋଧୀ

ପ୍ରଚାର ପ୍ରସାର କରୁଥିଲେ। ଏହା ସହିତ,

ତାର ଚରମପନ୍ଥୀ ତତ୍ତ୍ୱମାନଙ୍କ ସହ ସମ୍ପର୍କ ଥିବା ସନ୍ଦେହ ମଧ୍ୟ

ବ୍ୟକ୍ତ କରାଯାଇଛି, ଯାହାକୁ ନେଇ ସୁରକ୍ଷା ଏଜେନ୍ସିର ଚିନ୍ତା ବଢ଼ିଛି।

ବିଶେଷ ଗୁପ୍ତଚର ସୂଚନାର ଆଧାରରେ

ଦିଲ୍ଲୀରୁ ଆସିଥିବା ବିଶେଷ ଟିମ୍ ଭୁବନେଶ୍ୱରରେ କାର୍ଯ୍ୟାନୁଷ୍ଠାନ କରି ତାଙ୍କୁ ଗିରଫକୁ

ନେଇଥିଲେ ଏବଂ ଅଧିକ ପଚରାଉଚରା ପାଇଁ ଦିଲ୍ଲୀକୁ ନେଇଯାଇଛି। ବର୍ତ୍ତମାନ ତଦନ୍ତ ଏଜେନ୍ସି

ତାଙ୍କୁ ବିସ୍ତୃତ ପଚରାଉଚରା କରି ସମ୍ଭାବ୍ୟ ନେଟୱର୍କ ଓ କାର୍ଯ୍ୟକଳାପର ପରିଧି ବିଷୟରେ ତଥ୍ୟ

ସଂଗ୍ରହ କରୁଛନ୍ତି।

ଏହି ଘଟଣା ଡିଜିଟାଲ୍ ପ୍ଲାଟଫର୍ମର

ଦୁରୁପଯୋଗ ଓ ସମ୍ଭାବ୍ୟ ଆନ୍ତର୍ଜାତୀୟ ସଂଯୋଗକୁ ନେଇ ଗୁରୁତର ପ୍ରଶ୍ନ ଉଠାଇଛି। ସୁରକ୍ଷା

ଏଜେନ୍ସିମାନେ ଏହା ମଧ୍ୟ ତଦନ୍ତ କରୁଛନ୍ତି ଯେ, ଏହି ମାମଲାରେ ଅନ୍ୟ କେହି ଜଡିତ

ଅଛନ୍ତି କି ନାହିଁ।

କମିଶନରେଟ ପୋଲିସ ପକ୍ଷରୁ ଜାରି

ହୋଇଥିବା ପ୍ରେସ ବିବୃତି ଅନୁସାରେ,

ଏହି ତଦନ୍ତ ଏକ ସପ୍ତାହ ପୂର୍ବରୁ ଆରମ୍ଭ ହୋଇଥିଲା । ଦିଲ୍ଲୀ ପୁଲିସ

ସୋସିଆଲ୍ ମିଡିଆ ପ୍ଲାଟଫର୍ମ ଯେପରିକି ଇନଷ୍ଟାଗ୍ରାମ, ଫେସବୁକ୍, ହ୍ୱାଟସ୍ଆପ୍ ଓ ସିଗ୍ନାଲ ସହ ସମ୍ବନ୍ଧିତ ସନ୍ଦେହଜନକ କାର୍ଯ୍ୟକଳାପ

ଅଭିଯୋଗରେ ଦିଲ୍ଲୀରେ କିଛି ଯୁବକଙ୍କୁ ଗିରଫ କରିଥିଲା। ପଚରାଉଚରା ଓ ସେମାନଙ୍କ ଅନଲାଇନ୍

କାର୍ଯ୍ୟକଳାପର ବିଶ୍ଳେଷଣ ସମୟରେ ଓଡ଼ିଶା ସହ ଜଡିତ ସଂଯୋଗ ମିଳିଥିଲା।

ଏହି ସୂଚନାର ଆଧାରରେ 10 ଏପ୍ରିଲ

2026ରେ ଭୁବନେଶ୍ୱର-କଟକ କମିଶନରେଟ ପୋଲିସର ସହଯୋଗରେ ଏକ ସଂଯୁକ୍ତ ଅଭିଯାନ ଚଲାଯାଇଥିଲା, ଯାହା ଅଧୀନରେ ଏହି କାର୍ଯ୍ୟାନୁଷ୍ଠାନ କରାଯାଇଥିଲା।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା