ନୂଆଦିଲ୍ଲୀ, 25 ଏପ୍ରିଲ (ହି.ସ.)- ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ଏବଂ ଆମ

ଆଦମୀ ପାର୍ଟିର ସଂଯୋଜକ ଅରବିନ୍ଦ କେଜ୍ରିୱାଲଙ୍କ ନୂତନ ବଙ୍ଗଲାକୁ ନେଇ ଭାରତୀୟ ଜନତା ପାର୍ଟି

ତୀବ୍ର ଆକ୍ରମଣ କରିଛି। ବିଜେପି କହିଛି ଯେ, କେଜ୍ରିୱାଲଙ୍କ ଜୀବନ ଶୈଳୀ ଯେପରି ଆଲିଶାନ, ସେଥିପାଇଁ ତାଙ୍କ

ପାର୍ଟିର ନାମକୁ ପରିବର୍ତ୍ତନ କରି “ଆଲିଶାନ ଆଦମୀ ପାର୍ଟି” ରଖି ଦେବା ଉଚିତ।

ଶନିବାର ବିଜେପି ମୁଖ୍ୟାଳୟରେ ଆୟୋଜିତ ପ୍ରେସ ସମ୍ମିଳନୀରେ ଦିଲ୍ଲୀର

ମନ୍ତ୍ରୀ ଏବଂ ନୂଆଦିଲ୍ଲୀର ବିଧାୟକ ପ୍ରବେଶ ବର୍ମା କହିଥିଲେ ଯେ, “ଅନ୍ନା ଆନ୍ଦୋଳନର

ସହାୟତା ନେଇ, ମହାତ୍ମା ଗାନ୍ଧୀ, ଶହୀଦ ଭଗତ ସିଂହ

ଏବଂ ବାବା ସାହେବ ଆମ୍ବେଡକରଙ୍କ ଫଟୋକୁ ଆଗରେ ରଖି, ଆମ ଆଦମୀର ଟୋପି ପିନ୍ଧି, 1 ଟଙ୍କାର ଷ୍ଟାମ୍ପ ପେପରରେ ଆଫିଡେଭିଟ୍ ଦେଇଥିଲେ ଯେ ସେ ସରକାରୀ ଘର, ବଙ୍ଗଳା ଏବଂ ଗାଡ଼ି

ନେବେ ନାହିଁ, କିନ୍ତୁ ସେ ନିଜ

ପିଲାମାନଙ୍କର ଭୁଲ ରାଣ ଖାଇଥିଲେ।”

ସେ କେଜ୍ରିୱାଲଙ୍କ ନୂତନ ଘରର ଫଟୋ ଜାରି କରି କହିଥିଲେ ଯେ, “କେଜ୍ରିୱାଲ ପ୍ରଥମେ

ଦିଲ୍ଲୀରେ ‘କାଚମହଲ’ ବନାଇଥିଲେ, ଯାହା ସମ୍ବନ୍ଧରେ ଆମେ ସବୁ ଜାଣୁଛୁ। ସେହି ‘କାଚମହଲ’ ସେତେବେଳେ

ବନାଗଲା ଯେତେବେଳେ ଦିଲ୍ଲୀରେ କୋଭିଡ୍ ତରଙ୍ଗ ଚାଲିଥିଲା। ଦିଲ୍ଲୀର ଲୋକମାନେ ସେତେବେଳେ ଔଷଧ

ଚାହୁଁଥିଲେ, କିନ୍ତୁ ସେ ସମୟରେ

ମଧ୍ୟ ଏହି ‘କାଚମହଲ’ର କାମ ଏକ ଦିନ ମଧ୍ୟ ବନ୍ଦ ହୋଇନଥିଲା।”

ସେ ଆହୁରି କହିଥିଲେ ଯେ, “ଦିଲ୍ଲୀରେ ହାରିବା ପରେ ସେ ପଞ୍ଜାବକୁ ଯିବାରୁ ଭଗବନ୍ତ ମାନଙ୍କର

ସମସ୍ୟା ବଢ଼ିଗଲା, କାରଣ ଭଗବନ୍ତ

ମାନଙ୍କ ଚାରିପାଖରେ ଥିବା ସରକାରୀ ବଡ଼ ଘର ମଧ୍ୟରୁ ଗୋଟିଏରେ କେଜ୍ରିୱାଲ ଜୀ ରହୁଛନ୍ତି, ଆଉ ଗୋଟିଏରେ

ଦିଲ୍ଲୀର ପୂର୍ବତନ ସ୍ୱାସ୍ଥ୍ୟ ମନ୍ତ୍ରୀ ସତେନ୍ଦ୍ର ଜେନ, ତୃତୀୟରେ ରାଜ୍ୟସଭା ସାଂସଦ ସଞ୍ଜୟ ସିଂହ ଏବଂ ଆଉ

ଗୋଟିଏରେ ମନୀଷ ସିସୋଦିଆ ରହୁଛନ୍ତି।”

ପ୍ରବେଶ ବର୍ମା କହିଥିଲେ ଯେ, “ଦ୍ୱିତୀୟ ‘କାଚମହଲ’ ମଧ୍ୟ ବନାଯାଇଛି। ଏହି ବଙ୍ଗଲାର

ଫଟୋ ବାହାରିଲାପରେ, ‘ସାଧାରଣ ଭାବରେ

ରହିବି’ କହିଥିବା ଲୋକଟିଏ କେତେ ଆଲିଶାନ ଭାବରେ ରହୁଛନ୍ତି, ସେଥିର ସବୁ ପ୍ରମାଣ ମିଳୁଛି। ତାଙ୍କ ନୂତନ ଘରରେ

କେମିତି କାମ ହୋଇଛି, ସେସବୁ ଫଟୋରେ

ସ୍ପଷ୍ଟ ଦେଖାଯାଉଛି।”

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା