ନୂଆଦିଲ୍ଲୀ, ୨୬ ଏପ୍ରିଲ୍(ହି.ସ.) – ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଇ.ଡି.୧ ଏବଂ ୨୯ରେ ଉତର ପ୍ରଦେଶ ଗସ୍ତ କରିବେ। ଏହି ସମୟରେ ସେ ବାରାଣସୀରେ ମହିଳା ସମ୍ମିଳନୀରେ ଯୋଗଦେବେ ଏବଂ ପ୍ରାୟ ୬,୩୫୦ କୋଟି ଟଙ୍କାର ବିକାଶ ପ୍ରକଳ୍ପର ଉଦଘାଟନ ଓ ଭିତିପ୍ରସ୍ତର ସ୍ଥାପନ କରିବେ। ଏହାସହିତ ପ୍ରଧାନମନ୍ତ୍ରୀ ହରଦୋଇରେ ୩୬,୨୩୦ କୋଟି ଟଙ୍କା ବ୍ୟୟରେ ନିର୍ମିତ ଗଙ୍ଗା ଏକ୍ସପ୍ରେସୱେକୁ ମଧ୍ୟ ଉଦଘାଟନ କରିବେ।

ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ କହିଛି ଯେ ପ୍ରଧାନମନ୍ତ୍ରୀ ମହିଳା ସମ୍ମିଳନୀରେ ଯୋଗଦେବେ ଏବଂ ଅପରାହ୍ନ ପ୍ରାୟ ୫ଟାରେ ବାରାଣସୀରେ ଏକ ଜନସଭାକୁ ସମ୍ବୋଧିତ କରିବେ। ଏହି ଅବସରରେ ସେ ସଡ଼କ ସମ୍ପ୍ରସାରଣ, ରେଳ ଓଭରବ୍ରିଜ୍ ଏବଂ ସ୍ୱେରେଜ୍ ଟ୍ରିଟମେଂଟ ପ୍ଲାଂଟ ଭଳି ପ୍ରମୁଖ ପ୍ରକଳ୍ପ ସମେତ ୧,୦୫୦ କୋଟି ଟଙ୍କାରୁ ଅଧିକ ମୂଲ୍ୟର ୪୮ଟି ପ୍ରକଳ୍ପକୁ ଉତ୍ସର୍ଗ କରିବେ।

ଏହାବ୍ୟତୀତ ସେ ପ୍ରାୟ ୫୩୦୦ କୋଟି ଟଙ୍କା ମୂଲ୍ୟର ୧୧୨ରୁ ଅଧିକ ପ୍ରକଳ୍ପର ଭିତିପ୍ରସ୍ତର ସ୍ଥାପନ କରିବେ। ଏଥିରେ ଜଳ ଯୋଗାଣ ଏବଂ ସ୍ୱେରେଜ ଯୋଜନା, ୫୦୦ ଶଯ୍ୟା ବିଶିଷ୍ଟ ମଲ୍ଟି ସ୍ପେଶାଲିଟି ଡାକ୍ତରଖାନା, ପର୍ଯ୍ୟଟନ ବିକାଶ, ଘାଟର ପୁନର୍ବିକାଶ ଏବଂ ବିଭିନ୍ନ ପ୍ରଶାସନିକ ଢାଂଚା ଅନ୍ତର୍ଭୁକ୍ତ। ସେହିଦିନ ପ୍ରଧାନମନ୍ତ୍ରୀ ଦୁଇଟି ନୂତନ ଅମୃତ ଭାରତ ଏକ୍ସପ୍ରେସ୍ ଟ୍ରେନ୍-ବନାରସ-ପୁଣେ ଏବଂ ଅଯୋଧ୍ୟା-ମୁମ୍ବାଇ ଅମୃତ ଭାରତ ଏକ୍ସପ୍ରେସ୍କୁ ପତାକା ଦେଖାଇ ଶୁଭାରମ୍ଭ କରିବେ।

.......................................

ହିନ୍ଦୁସ୍ଥାନ ସମାଚାର / ବୀଣାପାଣି