ନୂଆଦିଲ୍ଲୀ, ୨୫ ଏପ୍ରିଲ (ହି.ସ.)। କନଫେଡେରେସନ ଅଫ ଅଲ୍ ଇଣ୍ଡିଆ ଟ୍ରେଡର୍ସ

(କ୍ୟାଟ୍) ଭାରତୀୟ ରିଜର୍ଭ ବ୍ୟାଙ୍କ (ଆର୍ବିଆଇ) ଦ୍ୱାରା ପେଟିଏମ ପେମେଣ୍ଟ୍ସ ବ୍ୟାଙ୍କ

ଲିମିଟେଡ୍ର ଲାଇସେନ୍ସ ବାତିଲ କରିବା ନିଷ୍ପତ୍ତିକୁ ସ୍ୱାଗତ କରି ଏହାକୁ ଜନହିତରେ ନିଆଯାଇଥିବା

ଗୋଟିଏ ନିର୍ଣ୍ଣାୟକ ପଦକ୍ଷେପ ବୋଲି କହିଛି।

କ୍ୟାଟ୍ର ଜାତୀୟ ମହାମନ୍ତ୍ରୀ ତଥା ଚାନ୍ଦିନୀ ଚୌକର ସାଂସଦ ପ୍ରବୀଣ

ଖଣ୍ଡେଲୱାଲ ଶନିବାର ଜାରି କରାଯାଇଥିବା ଏକ ବିବୃତ୍ତିରେ କହିଛନ୍ତି ଯେ, ଏହି ନିଷ୍ପତ୍ତି

ବାରମ୍ବାର ନିୟମାନୁସାର ନିୟମଗୁଡିକର ଅଣଦେଖା, ପରିଚାଳନା ସମ୍ବନ୍ଧୀୟ ବିଫଳତା ଏବଂ ଆରବଆଇ ନିର୍ଦ୍ଦେଶଗୁଡିକର

ଅବହେଳାର ଗୁରୁତ୍ୱକୁ ପ୍ରକାଶ କରେ। ବର୍ଷ ୨୦୨୪ରେ ମଧ୍ୟ ବ୍ୟାଙ୍କିଙ୍ଗ କାର୍ଯ୍ୟକଳାପ ଉପରେ ବଡ଼

ପ୍ରତିବନ୍ଧକ ଲାଗୁ କରାଯାଇଥିଲା, କିନ୍ତୁ ସୁଧାରର ସୁଯୋଗ ମିଳିଥିବା ସତ୍ତ୍ୱେ ସଂସ୍ଥା ଆବଶ୍ୟକ ପରିବର୍ତ୍ତନ

କରିବାରେ ବିଫଳ ହୋଇଛି।

ସେ ଜମାକାରୀମାନଙ୍କୁ ନେଇ ଆରବିଆଇ ଦ୍ୱାରା ଦିଆଯାଇଥିବା ଆଶ୍ୱାସନାକୁ

ପ୍ରଶଂସା କରି କହିଛନ୍ତି ଯେ,

ଗ୍ରାହକମାନଙ୍କର ଧନ

ସୁରକ୍ଷିତ ଅଛି ଏବଂ ନିୟମାନୁସାରେ ସେମାନେ ତାହା ଫେରସ୍ତ ପାଇବେ। ଏହି ଭରସା ବିଶେଷକରି ଛୋଟ

ବ୍ୟବସାୟୀ, ଦୋକାନୀ, ପଟ୍ରି ବ୍ୟବସାୟୀ

ଏବଂ ମହିଳା ଉଦ୍ୟମୀମାନଙ୍କ ପାଇଁ ଗୁରୁତ୍ୱପୂର୍ଣ୍ଣ, ଯେଉଁମାନେ ଡିଜିଟାଲ ନେଣଦେଣ ପାଇଁ ବଡ଼ ପରିମାଣରେ ପେଟିଏମର ବ୍ୟବହାର

କରୁଥିଲେ।

କ୍ୟାଟ୍ କହିଛି ଯେ, କୌଣସି ନିୟମାନୁସାର ପଦକ୍ଷେପର ପରିଣାମରୂପେ ସୂକ୍ଷ୍ମ ଏବଂ ଛୋଟ

ବ୍ୟବସାୟୀମାନେ ଅସୁବିଧାରେ ପଡ଼ିପାରନ୍ତି, ତେଣୁ ଅଧିକାରୀମାନେ ସୁଚାରୁ ରୂପାନ୍ତର ବ୍ୟବସ୍ଥା ସୁନିଶ୍ଚିତ କରିବା

ଉଚିତ୍, ଯାହାଦ୍ୱାରା ନେଣଦେଣ

ପ୍ରଭାବିତ ହେବ ନାହିଁ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା