ନୂଆଦିଲ୍ଲୀ, 25 ଏପ୍ରିଲ (ହି.ସ.) ନୀତି ଆୟୋଗର ନବ ନିଯୁକ୍ତ ଉପାଧ୍ୟକ୍ଷ ଅଶୋକ କୁମାର ଲାହିରୀ ଶନିବାର ଦିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ସୌଜନ୍ୟମୂଳକ ସାକ୍ଷାତ କରିଛନ୍ତି।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶନିବାର ଦିନ ସାମାଜିକ ଗଣମାଧ୍ୟମରେ ଲାହିରୀଙ୍କ ସହ ସାକ୍ଷାତ ସମୟର ଏକ ଫଟୋ ସେୟାର କରି ତାଙ୍କୁ ଅଭିନନ୍ଦନ ଜଣାଇ କହିଛନ୍ତି ଯେ ଅର୍ଥନୀତି ଏବଂ ଜନନୀତି କ୍ଷେତ୍ରରେ ତାଙ୍କର ବ୍ୟାପକ ଅଭିଜ୍ଞତା ଭାରତର ସଂସ୍କାର ପଥ ଏବଂ ବିକଶିତ ଭାରତ ର ଲକ୍ଷ୍ୟକୁ ସୁଦୃଢ଼ କରିବ। ସେ ବିଶ୍ୱାସ ବ୍ୟକ୍ତ କରିଥିଲେ ଯେ ଲାହିରୀଙ୍କ ପ୍ରୟାସ ଦେଶରେ ନୀତି ନିର୍ଦ୍ଧାରଣକୁ ଅଧିକ ଗତିଶୀଳ କରିବ।

ଏକ ସରକାରୀ ବିଜ୍ଞପ୍ତି ଅନୁଯାୟୀ, ବରିଷ୍ଠ ଅର୍ଥନୀତିଜ୍ଞ ଲାହିରୀଙ୍କୁ ଶୁକ୍ରବାର ଦିନ ନୀତି ଆୟୋଗର ଉପାଧ୍ୟକ୍ଷ ଭାବରେ ନିଯୁକ୍ତ କରାଯାଇଥିଲା। ଏହା ସହିତ ଆୟୋଗର ନୂତନ ପୂର୍ଣ୍ଣକାଳୀନ ଦଳ ମଧ୍ୟ ଘୋଷଣା କରାଯାଇଛି। ଏହି ନୂତନ ଦଳରେ ରାଜୀବ ଗୌବା, ପ୍ରଫେସର କେ. ଭି. ରାଜୁ, ପ୍ରଫେସର ଗୋବର୍ଦ୍ଧନ ଦାସ, ପ୍ରଫେସର ଅଭୟ କରଣ୍ଡିକର ଏବଂ ଡକ୍ଟର ଏମ୍. ଶ୍ରୀନିବାସଙ୍କୁ ପୂର୍ଣ୍ଣକାଳୀନ ସଦସ୍ୟ ଭାବେ ସାମିଲ କରାଯାଇଛି।

---------------

ହିନ୍ଦୁସ୍ଥାନ ସମାଚାର / ସମନ୍ୱୟ