ମୁମ୍ବାଇ, ୧୦ ମଇ (ହି.ସ.) : ଏନସିପି (ଶରଦ ପୱାର ଗୋଷ୍ଠୀ)ର ସାଂସଦ ସୁପ୍ରିୟା ସୁଲେ ଶନିବାର ଦେରରାତିରେ ଏକ ସଡ଼କ ଦୁର୍ଘଟଣାରୁ ଅଳ୍ପରେ ରକ୍ଷା ପାଇଛନ୍ତି। ମୁମ୍ବାଇ-ପୁଣେ ହାଇୱେରେ ତାଙ୍କ ଗାଡ଼ିକୁ ପଛଦିଗରୁ ଆସୁଥିବା ଏକ ଦ୍ରୁତଗତି କାର ଜୋରଦାର ଧକ୍କା ଦେଇଥିଲା। ଏହି ଘଟଣାରେ ଗାଡ଼ିର ସାମାନ୍ୟ କ୍ଷତି ଘଟିଥିବା ବେଳେ ଗାଡ଼ିରେ ଥିବା ସମସ୍ତେ ସୁରକ୍ଷିତ ଅଛନ୍ତି।
ସାଂସଦ ସୁପ୍ରିୟା ସୁଲେ କହିଛନ୍ତି ଯେ, ସେ ପୁଣେରୁ ମୁମ୍ବାଇକୁ ଯାଉଥିବା ସମୟରେ ପଛରୁ ଆସୁଥିବା ଜିଜେ-୧୩-ସିଏଫ-୫୨୫୭ ନମ୍ବର ବିଶିଷ୍ଟ ଗାଡ଼ି ତାଙ୍କ କାରକୁ ପାର୍ଶ୍ୱ ଦିଗରୁ ଜୋରଦାର ଧକ୍କା ଦେଇଥିଲା। ସୌଭାଗ୍ୟବଶତଃ ଏହି ଦୁର୍ଘଟଣାରେ କାହାରି କୌଣସି ଆଘାତ ଲାଗିନଥିବା ସହ ସମସ୍ତେ ସୁରକ୍ଷିତ ରହିଛନ୍ତି।
ସେ କହିଛନ୍ତି ଯେ, ଅତ୍ୟଧିକ ବେଗ ଏବଂ ଅସାବଧାନ ଡ୍ରାଇଭିଂ ଲୋକଙ୍କ ଜୀବନ ପାଇଁ ବଡ଼ ବିପଦ ସୃଷ୍ଟି କରିପାରେ। ତେଣୁ ସମସ୍ତ ନାଗରିକଙ୍କୁ ସିଟ୍ ବେଲ୍ଟ ବ୍ୟବହାର କରିବା, ସତର୍କତା ଅବଲମ୍ବନ କରିବା ଏବଂ ଦାୟିତ୍ୱବୋଧ ସହ ଗାଡ଼ି ଚଳାଇବାକୁ ସେ ଆହ୍ୱାନ କରିଛନ୍ତି। ସୁପ୍ରିୟା ସୁଲେ ବର୍ତ୍ତମାନ ବାରାମତିରୁ ଲୋକସଭା ସାଂସଦ ଅଟନ୍ତି।
---------------
ହିନ୍ଦୁସ୍ଥାନ ସମାଚାର / ସମନ୍ୱୟ
