ସମ୍ବଲପୁର,୧୦, ମେ (ହି.ସ.)

ରବିବାର ସକାଳେ ସ୍ଥାନୀୟ ଓଡ଼ିଶା ସାଂସ୍କୃତିକ ସମାଜ ଭବନ ପରିସରରେ ଏକ ମେଗା ରକ୍ତଦାନ ଶିବିର ଅନୁଷ୍ଠିତ ହୋଇଥିଲା । ଏହି ଅବସରରେ ସମ୍ବଲପୁର ସହରର ୧୩ ବର୍ଷିୟା ନାବାଳିକା ଚର୍ଚ୍ଚିତା ପର୍ବତାରୋହୀ ଶରଣ୍ଯା ଶ୍ରେଷ୍ଠା ପଣ୍ଡାଙ୍କୁ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଉତ୍ସାହିତ କରିବା ସହ ସମ୍ଵର୍ଦ୍ଧନା ଜ୍ଞାପନ କରିଛନ୍ତି । ନିକଟରେ ଇଣ୍ଡିଆନ ହାଇଟ୍ ପକ୍ଷରୁ ହିମାଲୟାନ ଟ୍ରେକିଙ୍ଗ୍ କ୍ୟାମ୍ପରେ ଶରଣ୍ଯା ସଫଳତା ପାଇବା ପରେ କେବଳ ପରିବାର ବା ସମ୍ବଲପୁର ପାଇ ନୁହେଁ, ସମଗ୍ର ଓଡ଼ିଶା ପାଇଁ ସେ ଗର୍ବର କାରଣ ପାଲଟିଛନ୍ତି । କେନ୍ଦ୍ର ଶିକ୍ଷାମନ୍ତ୍ରୀ ଶ୍ରୀ ପ୍ରଧାନ ତାଙ୍କୁ ଆଗାମୀ ଦିନରେ ଆହୁରି ଅଧିକ ସଫଳତା ପାଇଁ ଉତ୍ସାହିତ କରିଥିଲେ । ଉପସ୍ଥିତ ମହଲ ମଧ୍ୟ କରତାଳି ଦେଇ ତାଙ୍କୁ ଉତ୍ସାହିତ କରିଥିଲେ ।

---------------

ହିନ୍ଦୁସ୍ଥାନ ସମାଚାର / ଶୈଳେଶ