ଭୁବନେଶ୍ୱର, 24 ମେ (ହି.ସ.) - ଆଜି
ନିମାପଡ଼ାଠାରେ ଆୟୋଜିତ 'ଉତ୍କର୍ଷ ମାରାଥନ୍'ରେ ଯୋଗଦେଇଛନ୍ତି ଉପମୁଖ୍ୟମନ୍ତ୍ରୀ ପ୍ରଭାତି ପରିଡା । ଏହି ଅବସରରେ
ଉତ୍କର୍ଷ ନିମାପଡ଼ା ୨.୦ ଉପଲକ୍ଷେ ଆୟୋଜିତ ହେବାକୁ ଥିବା କ୍ରିକେଟ୍,
ଫୁଟବଲ୍ ଏବଂ ସାଇକେଲ୍ ଚାଳନା ଆଦି କ୍ରୀଡ଼ା ପ୍ରତିଯୋଗିତା
ପାଇଁ ଟ୍ରଫି ଉନ୍ମୋଚନ କରିଛନ୍ତି ଉପମୁଖ୍ୟମନ୍ତ୍ରୀ ।
ଏହି ଅବସରରେ ସେ କହିଛନ୍ତି
ଯେ, ନିମାପଡ଼ା-ଗୋପ ନିର୍ବାଚନମଣ୍ଡଳୀର ସର୍ବାଙ୍ଗୀନ ବିକାଶରେ ହିଁ ଉତ୍କର୍ଷ ନିମାପଡ଼ାର
ସଂକଳ୍ପ ବାସ୍ତବ ରୂପ ନେବ । ଏହି କ୍ରମରେ ଉତ୍କର୍ଷ ନିମାପଡ଼ା ୨.୦ ଉପଲକ୍ଷେ 'ଫିଟ୍ ନିମାପଡ଼ା'ର ଲକ୍ଷ୍ୟ ନେଇ ଆୟୋଜିତ 'ଉତ୍କର୍ଷ ମାରାଥନ୍'ରେ ଯୋଗଦେଇଛି ।
ମାରାଥନ୍ରେ ଭାଗନେଇଥିବା
ପିପିଲିର ବିଧାୟକ ଶ୍ରୀ ଆଶ୍ରିତ ପଟ୍ଟନାୟକ, ପୁରୀର ଜିଲ୍ଲାପାଳ ଶ୍ରୀ ଦିବ୍ୟଜ୍ୟୋତି ପରିଡ଼ା, ଆରକ୍ଷୀ ଅଧିକ୍ଷକ ଶ୍ରୀ ପ୍ରତୀକ ସିଂହ, ଅଭିନେତା ସଚ୍ୟସାଚୀ, ଅଭିନେତ୍ରୀ
ଅର୍ଚ୍ଚିତା ଏବଂ ସମସ୍ତ ଉତ୍ସାହୀ ଯୁବବର୍ଗଙ୍କୁ ସାଧୁବାଦ ଜଣାଇଛନ୍ତି ପ୍ରଭାତି ପରିଡା ।
ଉତ୍କର୍ଷ ନିମାପଡ଼ା ୨.୦
ଉପଲକ୍ଷେ ନିମାପଡ଼ାଠାରେ ଆୟୋଜିତ 'ଉତ୍କର୍ଷ ମାରାଥନ୍'ରେ ଭାଗନେଇଥିବା
ସମସ୍ତ ପ୍ରତିଭାଙ୍କୁ ମାନପତ୍ର ପ୍ରଦାନ କରି ଉତ୍ସାହିତ କରାଗଲା । ଏହି ଛାତ୍ରଛାତ୍ରୀ ଏବଂ ଯୁବବର୍ଗ ହିଁ ଆଗାମୀ ଦିନରେ
ଉତ୍କର୍ଷ ନିମାପଡ଼ା ଗଠନରେ ପ୍ରମୁଖ ଭୂମିକା ଗ୍ରହଣ କରିବେ ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
