
ଭୁବନେଶ୍ୱର, 09 ମେ (ହି.ସ.)- ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଶନିବାର ଶୁଭେନ୍ଦୁ ଅଧିକାରୀଙ୍କୁ
ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ପଦରେ ଶପଥ ଗ୍ରହଣ କରିବାରୁ ଅଭିନନ୍ଦନ ଓ ଶୁଭେଚ୍ଛା ଜଣାଇଛନ୍ତି।
ସୋସିଆଲ୍ ମିଡିଆରେ ସେୟାର୍ କରାଯାଇଥିବା ବାର୍ତ୍ତାରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ
ଶୁଭେନ୍ଦୁ ଅଧିକାରୀଙ୍କୁ ହୃଦୟପୂର୍ଣ୍ଣ ଅଭିନନ୍ଦନ ଜଣାଇ କହିଛନ୍ତି ଯେ,
ତାଙ୍କର
ଗତିଶୀଳ ନେତୃତ୍ୱ ଏବଂ ନରେନ୍ଦ୍ର ମୋଦିଙ୍କ ଦୂରଦର୍ଶୀ ମାର୍ଗଦର୍ଶନରେ ପଶ୍ଚିମବଙ୍ଗ ପ୍ରଗତି,
ସମୃଦ୍ଧି
ଓ ଜନକଲ୍ୟାଣମୂଳକ ସୁଶାସନର ଏକ ନୂତନ ଯୁଗରେ ପ୍ରବେଶ କରିବ।
ମୁଖ୍ୟମନ୍ତ୍ରୀ ମାଝୀ ଆଶା ବ୍ୟକ୍ତ କରିଛନ୍ତି ଯେ, ଶୁଭେନ୍ଦୁ ଅଧିକାରୀଙ୍କ
ନେତୃତ୍ୱରେ ରାଜ୍ୟରେ ବ୍ୟାପକ ଉନ୍ନତି ହେବ ଏବଂ ଲୋକମାନଙ୍କ ପାଇଁ ନୂତନ ସୁଯୋଗ ସୃଷ୍ଟି ହେବ।
ସେ ନବଗଠିତ ସରକାରର ସଫଳ ଓ ପ୍ରଭାବଶାଳୀ କାର୍ଯ୍ୟକାଳ ପାଇଁ ମଧ୍ୟ ଶୁଭେଚ୍ଛା ଜଣାଇଛନ୍ତି।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା