ଭୁବନେଶ୍ୱର, 08 ଜୁନ୍ (ହି.ସ.)- ବିଜେଡି ନେତା
ମନ୍ମଥ ରାଉତରାୟଙ୍କ ବଡ଼ ବୟାନ । ବିଜେଡ଼ିକୁ ଆସୁଛନ୍ତି ସୁଜାତା ଆର୍. ପାଣ୍ଡିଆନ୍ ।ଏହା ଶତ ପ୍ରତିଶତ ବୋଲି ସେ କହିଛନ୍ତି ।
ସେ କହିଛନ୍ତି ଯେ, ଯେତେ ଜଲ୍ଦି ସେ ଆସିବେ, ଅତ୍ୟନ୍ତ ଖୁସି ହେବୁ ।ରେଡ୍ କାରପେଟ୍ରେ ସ୍ଵାଗତ କରିବୁ । ସେ ପଦବୀ ନେବେ ନାହିଁ କି ଉତ୍ତରାଧିକାରୀ ହେବେ ନାହିଁ । ସାଧାରଣ କର୍ମୀ ଭାବେ
ଓଡ଼ିଶାର ବିକାଶ ପାଇଁ କାମ କରିବେ ।
ସେ କହିଛନ୍ତି ଯେ, ସମସ୍ତଙ୍କ
ଇଚ୍ଛା ସୁଜାତା ଆସନ୍ତୁ, ସେ ସରକାରକୁ
ଦୋହଲାଇ ଦେବେ । ବିଜେଡିରେ ଏଣ୍ଟ୍ରି ନେଇ ନବୀନ ରାଜି ଥିଲେ, କିନ୍ତୁ ସୁଜାତା ଅରାଜି ଥିଲେ । ଏବେ ସୁଜାତା ରାଜି ହୋଇଛନ୍ତି ବୋଲି ମନ୍ମଥ ରାଉତରାୟ
କହିଛନ୍ତି । ନକାରାତ୍ମକ ପ୍ରଚାର ନେଇ ସୁଜାତାଙ୍କ ମନୋବଳ କମିଛି,
ନିଷ୍ପତ୍ତିରେ ବିଳମ୍ବ ହୋଇଛି । ସୁଜାତା ଆସିଲେ କିଛି
ଅସନ୍ତୁଷ୍ଟ ହେବେ, କିନ୍ତୁ ବହୁ
ଲୋକଙ୍କ ମନୋବଳ ବଢିବ ବୋଲି ସେ କହିଛନ୍ତି ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
